女神呢個稱號令我食左唔少仔(有甜）: 忍瞞

我：「對唔住...我真係...真係無心瞞住你架...」

家姐：「咁點解你咩唔同我講？我宜家就比個機會你解釋哂所有野。」

我：「其實都唔算係我嘅主意，係蔡煒燕叫我唔好同你地講，所以我都只係聽佢講嘅野做。」

我：「而佢唔想同你地講嘅原因就係，佢覺得自己嘅存在，係影響到你地嘅幸福，佢覺得自己係一個罪人，又有邊個會想自己嘅罪孽名流千史？」

我：「我都明白佢咁做嘅目的，而且有啲人係，你寧願忘記都唔想記得，同埋你睇下，梓恩、桐桐、我家姐都過得幾開心，宜家咁樣唔好咩？」



家姐：「我只係覺得，我係佢家姐，點解我無櫂知？咁對我好唔公平，你自己想像下，珮恩死左但係你咩都唔知，仲好天真咁過每一日。」

親人嘅死亡，往往比起一切都要傷感，離世代表永不相見，對佢嘅印象亦都開始模糊。

我：「對唔住...咁...我覺得應該要同你講多一樣野...就係...其實你仲有一個阿妹...」

家姐：「呢個我知，但係佢一早就宜家死左。」

我：「唔係，佢無死到，佢應該仲生存係呢個世界到。」



家姐：「吓...？你講緊咩...？我明明親眼見住佢比人送入醫院...然後醫生同我講節哀順變架。」

我：「件事好複雜，我有機會再同你由頭講起，不過我聽日要去學校旅行，今晚要休息下先。」

我見佢仲呆左係企係到，於是我即刻急急腳咁返入房，鎖埋對房門，廢時佢會殺入黎。

我：「燕呀，你家姐已經知道左啦，要怪就怪我手多，將你啲野寫哂落本簿到啦，對唔住。」

我望住天花板咁講，希望佢係上面會聽到，不過無左佢係我身邊，我真係有好多野都唔識得面對。



每個人身邊都有一個導師，但係往往教完啲野佢地就會消失，當自己出現新問題嘅時候，就會想像一下佢會點做。

當我攤左係張床到嘅時候，我感覺到好似有人坐左係我隻腳到，我望一望唔係人，而係一隻黑色鷹。

我：「咦？好耐無見啦啵，你黎搵我係咪因為掛住我呀？」我摸一摸佢，佢即刻變返做個人，佢個兩隻眼仲係好似之前咁黑。

鷹：「我唔係掛住你，係你睇黎死得未姐。」

我：「咁姐係關心我啦，你知唔知人地好掛住你呀，但係你又成日唔出現。」

鷹：「是但啦，無咩我都係走先。」

佢準備又飛走，但係我即刻衝過去捉住佢，唔比佢走。

我：「可唔可以唔好走...？可唔可以陪多我一陣...？」



佢無出聲，只係拎返轉頭坐係我隔離，用佢個兩隻黑色眼望住我，而隻眼一下子又變左做粉紅色，個頭變左做金白色。

鷹：「我呢一世都唔會離開你，你要我陪幾耐，我就陪你幾耐。」

我比佢嘅說話呆左，點解佢好似變左做另一個人咁，明明頭先就係好cool咁樣。

不過我好快就無理到佢有無變，將個頭挨落去佢到，同佢傾心事。

我：「你知唔知呀...我真係好攰...成日要同咁多男仔傾計、出街或者搞野...我真係好攰...我好想休息下...」

我：「我成日都覺得自己好污糟...好似一個壞左嘅人一樣...由一開始...比老豆強姦個日...我就覺得自己好污糟...」

我：「我接受唔到自己嘅過去...我唔夠膽同人講我比老豆搞過....我好驚啲人會亂咁諗我...」



我：「一個女神，居然第一次比左自己老豆...一個女神，居然比老豆當係雞咁搞...一個女神，居然比老豆玩肛交...」

佢用隻手抹走我啲眼淚，男仔由冷酷變溫柔，真係可以係一秒間嘅事黎。

鷹：「你仲有我陪住你，我唔介意你嘅過去有幾污糟，我接受同埋包容你。」

我：「你講...咩話...？你話你...接受我...？」

鷹：「係呀，等我做你男朋友，你以後就唔洗自己一個人撐落我。」

我：「好呀...好呀...好...好...好....」

「噠！」

然後我就好似失去左意識，我相信係我訓着左，係佢搞到我訓着左，當我一醒返就唔見左佢。



同埋我可以肯定一樣野，

佢有雙重人格。