女神呢個稱號令我食左唔少仔(有甜）: 旅行(三)

唱完歌之後，我就坐係到飲水休息一陣，真係唱到聲沙都要死頂，真心佩服啲歌手，開成粒鐘演唱會都無問題。

思思：「你就威啦，連其他學校啲人都聽你唱歌，你又解鎖新成就啦喎。」

我：「收皮啦，如果我知解成就要咁辛苦，我一早就唔撚唱啦。」

Denis：「你頭先唱得好好喎，係咪平時有練開先？」

乜又係佢條蛋散，點解好似去到邊都見到佢，係我地有緣，定係佢成個變態佬咁跟蹤我，我諗都係後者。



我：「無喎，係頭先玩大冒險啲人要我唱歌，咁我先唱囉。」

Denis：「無練開都咁好聽，有無興趣做歌手呀？我識人可以介紹你去試下喎。」

我：「唔洗啦，你識埋個啲都唔知咩人黎，去到比你地姦左我咪死得。」

Denis：「乜你咁諗我架，你睇我個樣就知我係一個好人黎架啦。」

我：「係囉係囉，一定係咁囉。」



然後我就企起身，見到有堆人玩緊沙灘排球，我講過我咩運動都唔叻，所以我只係企係旁邊到睇，而思思就係入面玩緊。

我亦都講過，排球係狗公嘅聚集地，雖然只係得我地班係到，但係都見到有幾隻出左黎。

見住佢地手手腳腳都係沙，我就覺得好核突，好唔舒服嘅感覺，所以我都係走左，驚啲沙會飛落我到。

都幾好笑嘅一樣野，就係估唔到比人所稱嘅女神，仲要係學校旅行入面，宜家居然會係自己一個人係到唔知做乜鳩。

我係到望住個海，係到諗緊人生有咩意義嘅時候，後面出現左一把女仔聲。



：「你好，點解得你一個係到嘅？唔同啲朋友玩？」

我下意識拎轉後面望下，此時此刻，燕尾蝶遇見了蝴蝶，蝴蝶又名：「蔡曉蝶」。

其實我根本就唔知蝴蝶係咩樣，但係直覺話比我聽，呢個女仔就係蝴蝶，同埋女人嘅直覺通常都唔會錯。

我：「你係...蝴蝶？」

蔡曉蝶：「蝴蝶...點解你會知我叫做蝴蝶？」

我：「說來話長，可唔可以比我問下，點解你會係到出現嘅？」

蔡曉蝶：「我好似訓左一場好耐嘅覺一樣，當我一醒返嘅時候，我就係呢到，但係我又唔想離開咁解。」

我：「咁你仲記唔記得你以前嘅一切？或者仲有無一點點嘅回憶係個腦到？」



蔡曉蝶：「無呀，我諗可能係個天比一樣野我，而個代價就係拎走我之前嘅記憶。」

我：「咁你覺得個天比左啲咩你？」

蔡曉蝶：「遇到你。」

我：「吓....？乜你鍾意女仔架？雖然我唔係，但係我唔介意。」

蔡曉蝶：「你諗左去邊呀？我意思係你比左一種好熟悉嘅感覺我...就好似一個人...但係我又講唔出個嗰人係邊個...」

我：「一定係蔡煒...呀...都係無野啦。」

蔡曉蝶：「奇奇怪怪咁，呢個係我電話號碼呀，我地遲啲再傾啦。」



蔡曉蝶：「同埋記住一樣野，愛我地嘅人，全部都會死，所以唔好千祈唔好令人動心。」

佢向我揮揮手之後就走左，唔知點解，我見到佢背脊真係好似有對翼一樣，當然係我幻覺。

跟住我亦都返去搵啲同學，佢地亦啱啱好打完排球，係到吹水。

Denis：「你返黎啦？頭先去左邊到玩呀？又唔叫埋我。」

我：「關你鬼事咩，咁多事。」

Denis：「我想了解你多啲呀嘛，快啲講黎聽下先啦。」

我：「你真係想知嘅話，幫我做一樣野我就話你知。」

Denis：「要做啲咩？」



我：「幫我瀨腳。」