女神呢個稱號令我食左唔少仔(有甜）: 時間

不知不覺，時間都已經黎到12月5號，聽日就係我地嘅學旅行，無諗過時間都已經過得咁快。

有人話，時間可以沖淡一切，感情、關係、回憶、罪名。

而我只係覺得，時間並唔一定可以沖淡一切，無錯有人行得快啲，可以一早就已經忘記所有野，

但總會有人唔捨得向前行，或者行得慢啲，一直係原地到等，等下等下，直到死過刻都仲等緊個嗰人回心轉意。

而我地班就傾左，旅行嘅地點就係蝴蝶灣，燕尾蝶去蝴蝶灣，唔知到時我會唔會見到蝴蝶真人呢，我都想知隻燕所講嘅蝴蝶係邊個。



老師：「講明先呀，到時你地唔可以去沙灘到游水，唔好問點解，因為係學校規定。」

男仔A：「我屌你咩，我仲諗住到時可以睇啲女同學着比堅尼架嘛，仆街。」

老師：「你！！同我出黎！！！」

然後佢就好似比人記左一個缺點，咸濕嘅人一直都無好結果。

思思：「喂喂喂，聽日你諗住點着呀？唔知會唔會有其他學校嘅人都係聽日旅行呢。」



我：「咪平時咁着囉，我邊似你咁撚姣，淨係諗住有無靚仔，有得睇都無得你食啦姣婆！！」

思思：「車屌你，我都想搵個靚仔做我條仔架嘛，最好就玩到佢對我死心塌地，咁就唔洗驚會有其他女搞佢。」

我：「哈哈，咁你遲啲小心啲啦，我驚你條仔會愛上我。」

思思：「你試下搞我啲仔，我腳都踢斷你。」講完我就比佢踢左一下，痛到我67。

到左放學之後，我同思思去百佳同街市到買啲野食同埋燒烤用品，仲有幾條仔陪住我地，女仔買野總會需要啲步兵幫手拎野。



咁啱就比我地見到，隔離學校有一堆人又係到買野，唔通真係比思思講中左？

個堆男仔望到我地，其中有一個好大膽咁行埋過黎，好似想同我地講野，我諗佢應該係個堆人中最大粒嘅，個樣幾似TOP，而且佢都真係好高。

男仔：「你地好，我想問你地學校聽日都係旅行日呀？介唔介意講係去邊？」

我望一望佢個校徽，原來係一間Band 1 嘅中學，唔怪得除左佢之外，個嗰都成個毒男讀書樣咁。

我：「哦，我地聽日係去蝴蝶灣呀，你地呢？」

男仔：「我地都係喎！又會咁啱都有嘅！！咦...等陣先...你件校服同埋你個樣...唔通你就係好出名個嗰Emily？！！」

我：「我係Emily，但係我都唔係好出名姐。」

男仔：「癡線，連你都唔出名仲有邊個出名喎，我記得你地學校專出靚仔靚女。」



思思：「咁我呢，你知唔知我係邊個？我又靚唔靚？」

男仔：「um...你都靚...但係我唔知你係邊個。」

我：「收手啦思思，宜家無人識你呀，人起朵你起朵。」

Denis：「好啦，我都要返去搵我啲朋友，希望聽日見到啦，同埋我叫做Denis。」

然後佢就走左，呢個人都奇奇怪怪，明明唔識都可以問你係咪去旅行，關你撚事咩其實。

買好哂啲野之後，我同思思就各有各返左屋企，啲野就等班男仔聽日拎過去，雖然係娘娘做法，但係咁重我真係想幫手都幫唔到。

望到屋企，家姐今日係屋企，但係我一返到去，佢就好沉重咁望住我。



家姐：「你係咪應該有野想同我講？」吓...唔知點解我宜家好撚驚，但係我咩都唔知同咩都無做過。

我：「吓...？我應該有咩要同你講呀...？」

家姐：「原來你一直都瞞住我，等我我仲咁天真開心過每一日。」

我：「做咩事喎...？我有咩瞞住你呀...？」

家姐：「雖然我咁做好衰，但係...我今日執屋掃地個陣，我見到你有本似書都又唔係書嘅野係枱面。」

家姐：「我一開始以為你買左新書，所以我好奇想睇下關於啲咩，但原來呢一本根本就唔係書。」

家姐：「而係你記錄哂我細佬所有嘅經歷。」

「蔡、煒、燕」