女神呢個稱號令我食左唔少仔(有甜）: 阿鈞

阿鈞：「係呢，我想問你之前有無拍過拖架？不過你咁靚女都應該無可能無拍過啦，或者應該問拍過幾多次拖？」

我：「我...我其實無拍過拖架...」我曾經上網見到一句說話，「女Player技術上A0，實質上A380」

阿鈞：「會唔會咁呀？你咁靚又點會無拍過拖，一定大把人追你啦。」

我：「真係無呀！！咪就係你地啲男仔以為我好多人追，結果就真係變到無人夠膽追我...」

阿鈞：「咁...不如我追你呀。」



我：「吓...我跑一百米都好快架喎，我驚你都未必追到我喎。」

阿鈞：「咁我要試下用全力跑先知啦。」

食完飯，我地出到去行下街。

阿鈞：「呢到好靚喎，不如我地影一張相呀。」

我：「吓...我今日無化妝呀，唔好啦。」如果張相比人見到，啲仔咪知我係一個Player。



阿鈞：「但係你宜家都好靚喎，唔緊要啦。」

我：「下次啦下次啦，我自己都接受唔到宜家個樣，下次再同你影。」

行行下，突然有啲野出現左！！無錯，就係佢頭先食餐廳所講嘅老鼠笑話嘅主角。

我：「哇！！米奇老鼠呀！！！」我嚇到即刻cool實佢隻手，呢下唔係扮，係我真心驚呢啲野。

阿鈞：「冷靜啲！！佢走左啦，同埋有我係到，佢唔敢行埋過黎架。」



我：「嚇死我啦...我真係好驚老鼠....」

阿鈞：「唔洗驚唔洗驚，我會保護你架。」

然後我話驚再有老鼠出黎煮野食，於是叫佢一直比我cool住，食仔就係要咁，得閒要派啲軍糧，等佢地以為自己有機會。

佢送到我返屋企，跟住我地發生左啲咩我諗大家都知，想與你做愛。

阿鈞：「咁我地宜家係啲咩關係呀？」

我：「乜有無關係真係咁重要咩？」

阿鈞：「我連我嘅第一次都比左你，不如你就做我女朋友，好無？」

我：「其實...我宜家仲未想拍拖，我嘅目標係專心讀書先，或者...我地有機會嘅。」



當女仔講「仲未想拍拖」其實好多人都知咩事，佢地唔係未想拍拖，而只係唔想同你拍拖咁解。

阿鈞：「咁好啦，我等你。」

過左一個星期，佢一直都有Keep住搵我，但係我都無乜點覆過佢，甚至連上緊線都唔睇佢講左啲咩。

我就係咁，玩完之後就算，就好似你做功課咁，做完交到就算，唔會有啲咩留戀。

阿鈞：「點解你咁耐都唔理我？」

我：「我唔得閒。」

阿鈞：「真係日日都唔得閒咩？咁點解我見到你上線，但係覆都唔覆我就落左線？」



我：「學校最近好多測驗，我忙住溫書，上線係同人傾緊小組討論。」

阿鈞：「咁不如我問你，我係你心目中到底有無機會？」

我：「雖然我話過有，但宜家我諗我地唔啱對方。」

阿鈞：「好...」

過左一陣之後。

阿鈞：「但我好鍾意你...我求下你比多次機會我呀...」

阿鈞：「我個心已經去左你到...得你先可以比到戀愛嘅感覺我...」

阿鈞：「你可唔可以理下我呀...我...我好掛住你...」



阿鈞：「可唔可以唔好走...？」

阿鈞：「我知我無資格去搵你...但係...我控制唔到自己...」

阿鈞：「我對你嘅愛就好似黑色暴雨一樣，落極都唔停，而且只會愈黎愈大雨。」

第二朝起身，訓左十個鐘嘅我見到佢嘅訊息起碼有50條。

「已讀。」

然後繼續訓。

愛上玩家嘅後果，就同食左毒品嘅後果差唔多，惟一嘅分別係，



毒品傷身，愛情傷心。