女神呢個稱號令我食左唔少仔(有甜）: 不幸

唔知你地學校啲人望女神或者男神係點樣，係咪會聚埋一齊係到含情脈脈咁望，定還是扮唔覺意咁走近佢地。

而今日，我就比人叫左去幫手玩社際活動，而我自己就係黃色社嘅，我見社長話唔夠人所以先幫手玩下。

不過正如我之前所講，我除左跑步之外咩都唔叻，所以我嘅存玩只係黎湊夠人數，雖然我知全部人嘅集點都會係我到。

而今日玩嘅係閃避球，最令女仔抗拒嘅一個運動，因為啲男仔好撚恐怖，個嗰都好似想殺人咁扔粒波過黎，比佢地扔中唔死都肯定重傷。

但係點都好，我唔玩都要玩，最多無左條命姐，同埋我信開政府，驚都未驚過。



換好衫之後落到去操場，基本上啲人都到齊哂，而我都好快咁同啲隊友打個招呼，雖然好多我都唔識。

我：「加油呀你地，點都唔可以輸架！！」我揮一揮個拳頭，睇得出係好無力嘅鼓勵。

隊友：「聽唔聽到？！女神話唔可以輸！！！我地一定要贏！！」

然後好快就開波，我見到有好多男仔都望住我隻腳，我只係換左短褲姐，都唔知話係我太吸引，定係佢地太過變態。

你地扔一球，我地又扔返你地一球，而你問我係到做緊啲咩？我除左跑之外都唔知自己可以做啲咩。



我：「啊啊！！！」我比粒波扔左中，條友一野扔中左我個頭，而且大力到好似想殺死我一樣，我副眼鏡仲爛埋。

我痛到差唔多失去知覺，坐左係地下到摸住自己個頭，仲一時忍唔住喊左出黎。

啲老師見到之後即刻幫手停止個比賽，有個男仔扶左我去醫療室，唔知佢係想抽水定還是真心想幫我。

我：「唔該...哂你呀...」我休息左一陣，個頭無咁痛先同佢講野。

男仔：「唔洗客氣，不過你宜家見點呀？」雖然我無帶眼鏡，不過我都睇得出佢個樣，幾有出木杉嘅感覺。



我：「好返啲啦...你叫咩名呀...？」

SamHo：「我叫SamHo呀，你無咩事嘅話，咁我走先啦。」

少有喎，居然會有人唔想同我獨處，無諗過呢間學校仲會有所謂嘅正人君子。

我：「呀...我個頭突然又好痛...可唔可以唔好走住...？」

SamHo：「...好啦咁。」佢猶豫左一陣，不過都係乖乖地咁坐左係我隔離。

然後我就同佢傾計，我發現佢係一個完美主義者，平時鍾意睇啲關於哲學類型嘅書，至於我？關節就有。

SamHo：「我自己真係好鍾意亞裡斯多德！！佢講嘅野真係啟發到我好多，好似「所謂平等，就是窮人不佔富人的便宜。」呢個令我成日諗緊呢個社會到底點先叫公平公正，咁你呢？」

好有學識嘅男仔總係吸引到女仔，但同時都會引黎一個問題，就係一講到佢地鍾意嘅野，佢地就會不斷講、不斷講，講到死為止都仲講。



我：「我呀...我鍾意...我平時鍾意睇蔡煒燕啲故仔咁囉。」

一個男神或者女神，就係要文武雙全，有學識嘅人，比其他人嘅印都係好深刻，所以無論點樣，都要識少少唔同嘅野，黎面對唔同嘅人。

SamHo：「蔡煒燕？邊個黎架？」無諗過會有人唔識佢，不過都正常，條on9仔都唔出名。

我：「佢係一個作者黎架，佢寫嘅野都係出於佢自己身邊嘅人與事，一個罪人有無櫂利去愛人？呢個就係佢一直都解唔開嘅問題。」

我見佢好留心聽我講，於是我繼續講落去。

我：「佢令我明白到，個天比得一樣野你，你就預左佢會拎返一樣野走，所以人點都唔會完美就係咁解，就同「人有悲歡離合，月有陰晴圓缺」一樣，此事古難全。」

SamHo：「哇...我可唔可以問你借佢本書黎睇呀？」



我：「梗係可以啦。」

SamHo：「就咁聽你講，我都覺得佢係一個好有故事嘅人，好想知到底經驗過啲咩，先會有咁嘅領悟。」

我：「係囉...」

原來人即使點都好，都係會忍唔住鍾意人，從來都無人抵抗到「愛情」呢樣野，佢就係一個，你明知唔掂得，但係愈係想掂嘅野。

就同潘朵拉一樣，始終都敵唔住誘惑而打開左個盒，最後，引黎一切嘅不幸，同「愛情」無分別。