我要逃出無人島沙洲！: 第四章 失約的船夫

好，旅程完左，再望望手錶:「2:06p.m.」，真係到咗上船回程時間，但係點解架船仍然未嚟？

睇嚟大家都發現呢樣野，唔知係擔憂定係抱怨，個個都扁哂嘴嘅樣。
我:「點解船夫會未到，係咪記錯時間？」
Tany:「唔會掛…可能有急事晏d先嚟姐。」
米通:「冇理由為咗呃我地300蚊，掉低5條人命喎！」
福仔:「定係佢講嘅係凌晨2點？」

正當我地苦思緊嘅時候，學霸托住幅眼鏡:「淨係得有急事係比較合理嘅理由，我覺得等多陣佢就會嚟，擔心冇用，不如搵d野消磨時間。」我地總算冇咁騰雞，咪攞部iPhone 玩下泡泡龍囉，船夫一定好快嚟嘅。





都唔知玩咗幾耐、過咗幾多關，海面上始終冇艇仔嘅蹤影，最多都係稀疏有貨船係遠處駛過。在埸個個都越嚟越擔心，手機一早都已經冇興趣玩。又係嘅，面對生存嘅威脅又點會覺得安樂。

呢一刻，我只係想船夫快啲接我地。呢世人，我係第一次感受到與世隔絕、愛莫能助嘅悲哀。我渴望回歸大城市，但卻睇唔到任何一棟大廈;我需要得到救援，但連一個路人都冇。

Tany打破咗寂靜:「天都就嚟黑喇，係咪要咁玩我地！」
米通:「我相信希望，一定可以走到出去嘅。」
福仔:「我好肚餓呀，袋入面得返半支水、1包豬肉乾同幾枝珍寶珠。」

只得學霸仲keep住鎮定，佢話:「依家嗰情況算好差，今晚分埋d野食，過一晚，如果聽朝船夫仲未嚟，我地實自有辦法。」





Tany:「都知擔心冇用，不如無懼一切，努力求生好過。我地五條友，頂硬上！」我好似睇通左一切，生存係目標，畏懼只會增加難度。
米通:「多謝你Tany ，我地見步行步！」