那些年，我等待的那個男孩子: 51

「Jessie!!!Jonathan係門口徘徊緊呀，佢係咪黎等妳架」
 
「下…我咪已經同佢當面講清楚囉，佢仲黎做咩呀?」
 
「咁…妳始終要拒絕多佢一次架啦」
 
「唔理佢啦，我去接埋雪晴放學先」
 
我帶住Ivana同Joanne一齊去F.1D到搵雪晴，當我地入到班房果時，已經有好多同學係窗邊望住
 




「家姐!!外邊有個男仔好似等我地同學放學呀!」
 
「咁Miss孔係咪唔俾我地放學呀?」
 
「咁又冇講，始終果個男仔係DBS，點都要俾D面人地學校嘅」
 
「Jessie，大家有冇得放學就睇妳啦」
 
「下!!!!果個男仔黎等家姐妳放學架?」
 




雪晴呢句話係超大聲，累到我俾佢全班一齊望住
 
「佢…哦!!!上次送妳返屋企果個男仔喎!!!係咪家姐妳男朋友呀?」
 
雪晴咁樣講，大家都好期待眼光望住我，搞到我好唔好意思，所以我選擇耍手擰頭say no
 
「唔…唔係呀…我同佢講清楚…我對佢冇意思架啦」
 
「Jessie妳咁唔係辦法，不如妳出去狠狠地拒絕佢啦」
 




「但係…...搞到大家連朋友都冇得做又好似…」
 
「有咩所謂，死纏爛打嘅男仔係最唔要得，反正暑假補習佢眼中只有妳一個，我地同佢冇朋友做都冇所謂」
 
「但係…」
 
「我地一大班姊妹落去陪妳，妳等陣」
 
「喂!!!!」
 
「Karen妳陪住家姐!!」
 
「知道!!」
 
「喂!!!」




 
佢地兩個好快就叫多幾個同學黎陪我放學
 
「Jessie!!唔好怕佢!!!呢d變態嘅男人唔好可憐佢!!」 「唔洗驚架!!我地咁多姊妹係到!!」
 
「家姐!!!我地成班30人一齊去陪妳呀!!!」
 
喂……搞到我好似黑社會大家姐咁…唔係太好喎，不過有一個同學實幫到我，而且佢已經企左係雪晴班房門口
 
「Jessie姐姐，洗唔洗幫返妳一次呀?我叫媽咪黎幫幫妳?」
 
Jasmine已經係門口睇到哂一切
 
「Jasmine?唔洗麻煩到Miss孔啦….我唔想…」
 




「媽咪已經知道到啦，佢準備去盤問果個DB仔啦」
 
「Jasmine….我自己處理好啦…唔好麻煩到Miss孔」
 
「不論點都好，媽咪都會黎問妳發生咩事啦」
 
Jasmine咁講，即係俾佢媽咪有一個機會捉我入訓導處，我地幾個對腳真係震得好犀利
 
「點…點解…」
 
「妳地成棚人係到，係人都估到啦，姐姐妳自己去解決定媽咪去?」
 
「我去啦…」
 
Jasmine望一望訓導處「快啦，我去幫妳拖住媽咪先」




 
我自己一個人行到Jonathan面前，成班同學係校門睇戲食花生