那些年，我等待的那個男孩子: 52

「Jonathan…你…係到做乜?」
 
「我等妳放學架…」
 
「咁你而家等到啦，你快d走啦，訓導主任就快出黎，佢應該打緊電話去你學校」
 
「我黎係問妳一件事……」
 
「我之前已經答左你啦，我對你冇意思…你咁做，我地連朋友都做唔到架啦」
 


佢再一次捉起我隻手，唔想俾我走返入學校
 
「Jessie…點解妳要咁?」
 
「你放手啦!!我同你講過我已經有鍾意嘅人，我會一直等佢，直到我唔想等為止」
 
點知Jonathan真係用左力捉住我，我覺得好痛…大叫左聲
 
「痛呀!!!」雪晴應該見我個樣有變，佢就隨手拎起枝羽毛球拍衝出黎
 


「唔好蝦我家姐呀!!!!」我回身一望，跟住雪晴嘅仲有Joanne同Ivana
 
雪晴一出到黎就打落Jonathan到
 
「你夠膽蝦我家姐!!!死變態佬!! 死變態佬!! 死變態佬!!」
 
雪晴不停向Jonathan揮拍，而Jonathan都推左雪晴一下
 
「呀!!!」雪晴俾佢推跌坐左係地下
 


見到自己個妹俾人蝦，做家姐點都要出手幫阿妹架啦
 
我一把打落Jonathan塊面到「你夠膽推我個妹!!!」
 
「Jessie….妳妹妹?我唔知道…」
 
Ivana同Joanne走去雪晴身邊陪住佢，雪晴痛到係到喊
 
「你蝦我妹妹，我點都唔會原諒你」
 
「Jessie妳聽我講丫」
 
突然間，殺氣四溢「DBS嘅同學，你想我點同你地學校講，你推我地學校F.1小妹妹呢件事呀?」
 
我地回身一望，以為係Miss孔御駕親征，點知，係Jasmine撓實雙手出黎，而佢身後，有兩個樂善堂嘅男仔


 
「怕羞仔!!佢蝦Karen呀!!Jessie個妹呀!!!」Ivana一見到怕羞仔就向佢求救
 
怕羞仔身邊果個同學聽到之後就上前望實Jonathan，不過怕羞仔就好似面紅紅咁望住雪晴
 
「D女仔叫你放手，你放唔放?唔好以為自己係DB仔就大哂」
 
「你唔係打算係人地學校門口搞事呀?」
 
「關…關你地咩事?」
 
「Jessie係我地朋友，你蝦佢個妹，點唔關我地事?定係你想我地叫埋同學上黎?好快架咋」
 
終於，Miss孔御駕親征了
 


「邊個咁大膽蝦我地學校學生!!!」
 
嘩…係十成獅吼功呀…..
 
怕羞仔一聽到之後就立即企係Jasmine身後，而佢亦俾Jasmine恥笑中
 
「呢位老師……我….同Jessie傾少少野…」
 
「傾少少野?我頭先係上邊睇到哂!!你不單非禮Jessie，仲推左Karen一下，我而家有兩個樂善堂嘅男同學做證，你仲有得抵賴?」
 
「只不過係…」
 
「Jonathan Choi，我已經通知左你學校，聽日你自己好自為知!!!」
 
「Jonathan你走啦…你蝦我個妹，我今生今世都唔想再見到你!!!」我第一次用手指住其他人


 
怕羞仔好怕羞咁幫雪晴清理傷口，而雪晴都好乖咁忍痛，個場面都幾sweet，兩個面紅紅咁對望
 
「幫妳洗好傷口啦」
 
「唔…唔該哥哥…」
 
我帶住雪晴返入學校，而其他人都陸續返校內。不過我聽到怕羞仔同Miss孔對話