那些年，我等待的那個男孩子: 50

「Sorry呀Jonathan…….我…唔可以應承你…我唔可以做你女朋友」我低住頭咁講
 
Joanthan一面茫然，佢可能冇諗過我會拒絕佢，始終成個暑假我同佢相處得好好，已經差一步就拍拖，而且我地仲單獨去過街食過飯
 
「係唔係……我有d咩地方唔好……我可以為妳而改架」
 
「Jonathan，唔關你事，你真係好好，係一個好男仔，我都認我曾經對你有心動過，如果你早一排同我講，我好大機會係會應承你」
 
「但係點解…」
 


「Ivana同Joanne有冇同你講過……我小學果陣俾男仔表白過，錫過一次?」
 
「冇…佢地冇同我講」
 
「果陣我都係好鍾意果個男仔，由我三年級開始，到今日都係，由我8歲…我鍾意佢鍾意到15歲…..到而家7年，我升中學咁年黎都冇見過佢」
 
「咁可能係妳讀女校….冇機會識其他男仔者，妳都話咁多年冇見過佢…」
 
「唔係架…上次我地食完飯，係維園睇人踢波果陣，我已經見返佢，不過係佢見我唔到者…」
 


「樂善堂班男仔入邊?其中一個?」
 
「係… …」
 
「但係妳肯定佢仲鍾意妳?點解妳唔可以揀妳面前嘅人?」
 
「因為我仲好鍾意佢，我唔想…同你拍拖果時個心仲會有佢係到」
 
「咁妳可以同我一齊再忘記佢…」
 


「Jonathan，我做唔到，我到今日…個銀包相格仲係放住佢張相…書檯仲係放住我同佢嘅合照…對唔住…我唔可以接受你嘅好意，sorry…」
 
我係佢手中，將自己隻手伸返出黎，再向後退幾步
 
「Sorry呀Jonathan…」
 
「Jessie，我希望妳可以考慮清楚，而且…我係真心鍾意妳一個，我唔會咁易放棄架」
 
「唔….sorry呀…..我要返診所啦…拜拜」
 
我極速跑返診所，入到去換返套制服就坐低嘆氣
 
唉……真係有人同我表白…….我仲要又拒絕左佢……如果仲有機會見面，實會面阻阻
呢件事，Jonathan冇同Ivana同埋Joanne講，佢地知道果時，都非常驚訝
 


「Jessie妳真係拒絕左Jonathan呀?」Ivana知道之後真係非常驚訝
 
「係囉，妳明明話自己對佢有意思架，點解無啦啦要拒絕佢呀?」
 
「點解呀…唔…因為我心中鍾意果個唔係佢，如果我同佢拍拖嘅話，會對佢好唔公平」
 
「唔通…妳心中仲係鍾意緊小學果個男仔?」
 
我面紅紅咁樣對住佢地兩個點左下頭
 
「Jessie呀!妳點解咁傻呀?妳係到等緊一個未必會再見嘅男仔喎」
 
「係囉，Jonathan每一方面都好好，由家底到個人都差唔多滿分，妳咁都睇唔上眼?難怪妳真係俾人叫冰山美人啦」
 
「咁如果俾妳見返佢又點呢?妳主動追佢?」


 
「唔知架…到時再算啦…」
 
「Jessie妳真係傻得可愛」
 
「邊係喎」我又一次嘟長個咀
 
「咁Jonathan果邊妳打算點呀?」
 
「做普通朋友囉…唔係點喎」
 
不過Jonathan同我表白果陣，個樣係非常非常認真，我相信佢真係唔係玩玩下，係想認真發展，而且佢仲話唔會放棄，所以我都同Joanne佢地講，暑假班之後我唔去補習社啦。我唯一擔心嘅係，佢會走黎屋企同診所等我、甚至係學校，如果俾學校知道左，一定會有好大問題出現。
 
果然冇俾我估錯，有一日，Jonathan真係黎等我放學，佢真係唔怕Miss孔，佢著住佢地DBS校服，放學時間係我地校門徘徊