那些年，我等待的那個男孩子: 48

當日我地補完課，準備係學校離開之際，係我眼前出現左一個好高嘅男仔，同一個大約165cm高嘅女仔，連同Miss孔一齊入左校務處
 
「唔?做咩會有男仔黎我地學校架?仲係恐怖雞陪佢」
 
「會唔會係d偷窺狂呀?我地件旗袍校服，有好多變態佬好鍾意架嘛」
 
「即係果個男仔係俾人捉到?」Joanne好似好期待咁樣，佢果日都係返黎Geog補課
 
一向眼力好嘅Ivana就持反對意見「唔係喎，佢拎住d文件之類，仲好似著住校服喎」
 




想像力超級豐富嘅Joanne諗到一d好驚人嘅理論
 
「會唔會係…女校男生?」
 
我同Ivana聽到佢咁講就好驚訝，點會有咁嘅可能?我地學校有個傳說，只要男仔自己一踏入校門果一刻，佢就會自動化灰
 
「唔…可能係其他事呢，我地學校F.6通常原班30人架嘛，點會咁易俾男仔入到黎」
 
我係到同佢兩個慢慢分析
 




「但係恐怖雞咪話過佢有個女校男生同班同學囉」
 
「咁都要有位先收到佢架嘛」
 
「如果真係有女校男生，咁妳地會點呀?」Joanne好奇咁講
 
以Ivana一貫性格，當然係玩到個男仔殘先，然後迫佢做跑腿，再強迫人地同佢拍拖結婚。果然真係冇俾我估錯，Ivana真係好好笑呀
 
「第一日就落佢迷藥，帶佢返我屋企扮大家做錯事，然後迫佢娶我」
 




「Ivana妳睇得電視太多啦」
 
「咁Jessie妳呢?」
 
「我?我呀?咪普通朋友囉」
 
我地三個慢慢行落山
 
但係我行落去果時，個腦諗嘅全部都係阿風
 
返到屋企我又見到隻公仔，終於…俾我見返佢，我8歲果年鍾意左佢，而家15歲半，仍然鍾意緊佢，11歲果年小學畢業後就冇見過佢，估唔到…我仲係咁鍾意佢。
 
點樣聯絡到佢呢?直接搵Jasmine?佢一定唔會俾阿風聯絡方法我。如果搵Miss孔嘅話，就一定中地雷
 
第二日唔洗補習，我係會所溫完書之後，自己一個靜靜地行街




 
自從果日之後，我經常性會諗返起佢，我同佢終於重遇啦，但係要點先同佢相認返呢?