那些年，我等待的那個男孩子: 46

「咦?果班係咪樂善堂班波牛呀?估唔到佢地唔單止打籃球，連踢波都有一手喎」
 
「Jasmine係到喎，佢真係好鍾意痴實班男仔，佢唔怕恐怖雞又趕佢出門口咩?」
 
「唔?Jessie，果班男仔妳地識嘅?」
 
「係呀，有次放學我地係海邊放鬆果時，Ivana走去挑戰人地射Key，俾佢贏左，之後呢班男仔就經常係我地幾個身邊出現，做哂我地跑腿」
 
「佢地打籃球同踢波都好犀利，我地學校近年來都係輸俾佢地」
 


「今日有埋球證喎，係咪比賽?」
 
「有球證就一定係比賽架啦」
 
「過唔過去瞭下佢地呀?」
 
「下?但係Jonathan係到…」
 
「我冇咩所謂，咪當去宣示下主權囉」
 


「呀….Jessie，妳睇下Jonathan幾緊張妳，雙J戀開花啦?」
 
「妳地…妳地咪亂講啦!!」
 
當我地行到埋去時，怕羞仔已經見到我地，同時Jasmine都見到我
 
「三…三位女俠!!!妳地好!!!」
 
「你好呀怕羞仔，你地連波都踢埋呀?」Ivana一貫作風，係要玩到怕羞仔死先開心
 


「呀…其實呢…我地比較…」(下刪三千字)
 
「Jessie姐姐，妳係到做咩呀?」唔知點解，Jasmine今日對我好大敵意
 
「我地…食完飯，見到妳地踢波，所以過黎睇下妳地囉」
 
「呀…其實呢…我地踢完架啦…所以…」Jasmine好似極力想我快d走咁，但同時佢又俾一個男仔推左個頭一下
 
「白痴妹!!!妳阿哥去左邊呀!!!」我第一次見到有人咁樣叫Jasmine
 
「關你咩事呀!!賤人!!」我亦都係第一次見Jasmine咁同人講野
 
佢同個男仔可以話係火星撞地球咁，好多火花，仲差d郁手打架添
 
「問佢去唔去食野呀!!!!」


 
「我幫佢答你丫!!我地去呀!!得未!!」
 
「妳又去打搞佢呀?妳唔洗返屋企咩?」
 
「我返唔返屋企都唔關你事呀?而且媽咪俾我去家姐到瞓，洗唔洗得你批准?」
 
「咁又係，妳俾哂機會妳阿哥房到瞓」
 
「我叉住你把口呀!!!」
 
Jasmine又真係好緊張佢阿哥，終於，一把熟悉嘅聲音同樣子再一次出現係我身邊，不過我只係見到背影
 
「熙哥!!!麻煩你….串少詩敏一陣啦好嘛」Jasmine哥哥雙手合十咁求佢同學，睇黎佢真就係Jasmine個男朋友或者契哥?我總係覺得佢地唔係兄妹關係咁簡單，我腦中又聽到雪晴果句說話
 


“D契妹一定係鍾意D契哥嘅，特別係呢D青梅竹馬嘅契兄妹”
 
我終於知道點解Jasmine會對我態度咁有攻擊性啦，佢唔想俾我地見到佢契哥/男朋友
 
「三位女俠，妳地係咪想我地請妳地食野呀?定係Ivana姐妳想挑戰我地個林源三呀?」
 
「咩野林源三呀?邊個呀」
 
「詩敏個阿哥囉…定係男朋友呀詩敏姐」
 
「我毒啞你丫啦!!!」
 
正當佢想轉身望過黎我地果邊時，Jasmine成個人跳高攬實佢
 
「唔准望女仔!!!佢地係我師姐!!!係咪想我叫媽咪黎殺死你地!!」


 
「唔望啦!!唔望啦!!好啦詩敏!!我去換衫啦，落返黎先啦好嘛」
 
Jasmine全程攬實佢唔俾佢望過黎，佢地d朋友應該講緊三級有味笑話笑佢地個動作，其實，我都偷偷地搵過日本av黎睇嘅…始終我都係正常女仔…我都會有…嘅
 
Joanne同Ivana亦都係到笑緊Jasmine果個動作，佢真係人細鬼大啦，當Jonathan送左我地返屋企之後，我地係msn到傾計