那些年，我等待的那個男孩子: 林雪凝日記(7)

10-10-199X
我第一次代表學校去同其他學校開會，係關於下個月嘅聯校羽毛球友誼賽。為左冇咁悶，我拉埋Ivana去陪我，點解唔搵Joanne去?我地怕佢俾男仔圍住哂，所以放棄叫佢去。
 
不過估唔到俾男仔圍果個係我，好慘呀!!!有個King’s仔不停係到瞭我傾計
 
佢煩唔煩?少少咁啦，不過我又唔想開口咁絕，於是Ivana就大派用場啦
 
今日個King’s仔話想送我返屋企，當我仲諗緊點樣拒絕佢果陣，Ivana已經撲左出黎救我一命，我真係唔知點多謝佢先好啦!!!
 
26-10-199X




 
今日係小學同學聚會，一如以往，我都係見唔到佢，不過呢，Miss Lau同我傾計果時，我終於知道少少關於佢嘅消息。原來佢之前經常俾警察拉返警署，仲搞到要搵小學老師去保釋佢，仲差d俾人送上法庭，但係好彩人地肯放過佢，而且佢已經轉校去左第二間學校讀書。我真係好希望見一見佢，陪佢一齊溫習。我有d同學開始拍拖啦，佢地有時同男朋友一齊去溫書，果個場面真係好sweet架，搞到我都想有個男朋友。
 
如果可以同佢一齊溫書嘅話，有幾好呢?佢唔識，我就可以教佢，通常都係我教佢架啦，小學果陣有邊次考試前唔係我陪佢一齊溫書丫。
 
我都想好似其他同學咁，坐係球場邊睇住自己男朋友打波架
 
希望下次眾會見到佢啦