那些年，我等待的那個男孩子: 19

F.4開學第一日，雪晴陪我一齊出門口
 
「妳呀!今年六年級啦，呈分試要俾心機呀，唔好旨意哂我呀」
 
「得啦家姐，我每科都高分過妳以前呀，如果我咁都入唔到妳果間學校，我跳海算啦」
 
「放學唔好去診所搗亂呀!!!」
 
「知啦!!!!」
 




不經不覺雪晴都6年級啦，我冇話佢知道我學校已經Mark左佢出年黎讀
 
我都準備會考課程啦，睇黎功課同壓力都一定大過以前好多好多
 
「喂!早晨呀靚女!」 「妳都早晨呀!!」
 
「yo!!三個人齊人!!行得!!」
 
我地三個總係約埋一齊返學，冇辦法啦，我地三個真係住得好近，基本上五分鐘路程就到對方屋企，真係名乎其實借洗手間都易d
 




「呀…會考啦…點算呀」
 
「Jessie妳洗乜係到嗌救命呀?妳連續三年全級第一，點會返唔到原校」
 
「Joanne妳夠穩佔文科科目Top5啦」
 
「係啦!!我讀書最差啦」
 
「妳差?妳數學都不知幾好呀!!!」
 




我地三個嘻嘻哈哈咁行去學校，差唔多到校門果陣，我地見到個小師妹，頭髮又亂又唔梳頭，仲好似瞓緊咁樣行返校門
 
「喂喂，妳地睇下前面個新生F.1妹」
 
「嘩!!又唔梳頭又好似未瞓醒咁，一陣實俾恐怖雞省到立立令」
 
「第一日開學，就俾恐怖雞用獅哮功鬧，會死人架」
 
「上去幫下佢啦」