那些年，我等待的那個男孩子: 林雪凝日記(5)

20-6-199X
 
話咁快，F.1一年就完左啦，今年我一如以往都係考第一，ba b都應承帶我地去北海道玩，ba b好鍾意去日本架，所以我地一家人成日都去。
 
今年讀書比小學更辛苦之餘，我仲要提防Miss孔嘅突擊，有次俾佢突擊檢查校服，真係嚇死我啦。
 
無啦啦俾d同學叫做書蟲，喂呀…我只係想讀好d書者……花多d時間讀書唔係叫書蟲呀…..
 
今年最大進步嘅成績係家政科，呵呵呵呵，我每晚都會走入廚房跟媽咪學煮飯架，今年仲學識埋織頸巾
 


唔……我諗我真係大個女啦……mm開始再黎，雖然唔係個個月都黎，但都代表開始大個女啦，諗返起6年級第一次m到果幕「紅潮風暴」，真係瘀到爆呀!!!成條裙都係紅色，如果唔係佢除件校服俾我擋住，我真係唔知點返屋企啦!!!但係果日好似佢就冷親，姐姐黎接佢走果陣又鬧左佢幾句。佢兩姊弟好為人著想呢…果日怡姐姐仲專登幫我俾埋m巾我先帶佢走。
 
今年我係第一次升中之後拎模範生啦，ba b專登休診半日，夜晚黎睇我上台拎獎狀。但係我又俾雪晴串啦，佢串我話我成間房都係獎狀，可以拎少d嘛
 
妳估妳家姐我想架咩