那些年，我等待的那個男孩子: 14

「Jessie妳睇下，呢條裙同衫幾襯妳喎」
 
「下?短裙喎…唔好啦」
 
「妳而家開始有胸啦，唔怕啦，著下背心出街都唔驚嘅」
 
「但係…」
 
「唔洗但係啦，試下啦」
 




於是我就聽佢意見買左少少衫，仲有買左白色以外嘅胸圍內褲
 
「雪凝呀?妳識自己買胸圍啦?」媽咪拎住我新買嘅胸圍入黎問我
 
「呀……我係咪買唔啱size呀?」
 
「唔係，不過媽咪見妳上圍呢兩年開始長大，叫妳唔好買咁貴果d」
 
「媽咪…我應該唔會再大啦?」
 




「好難講架」
 
「我唔鍾意太大呢…」
 
星期一係屋企著起套校服，真係發現自己開始發育啦，已經係少女身材
 
有時放學同Ivana經過一d舊CD鋪，我地都會入去睇下野
 
Ivana佢好鍾意陳奕迅，真係超級Fans黎
 




不過我鍾意果個就係……
 
「下? Jessie妳睇黎明呀? 」
 
「咁……我鍾意黎明丫嘛……佢好差咩?」
 
「唔係，我估唔到妳會鍾意聽黎明者」
 
「好奇咩…」
 
「我係咪好任性呀?」
 
「係!不過係我揀嘅」
 
「妳真係超級Fans呀!!!!」




 
CD鋪中播出左我最鍾意嘅夏日傾情
 
“I Love u…妳會否聽見嗎?...”
 
我心中嘅你，而家係邊?我記得佢係住呢到附近，點解我仲未撞到你嘅?
 
F.2果一年嘅talent show，我俾Ivana同一班同學呃左上台唱歌
 
「呀…點解要搵我上台唱歌呀?」係鼓成泡腮好不滿咁講
 
「Jessie妳次次測驗第一，操行又A，我地想睇下妳係咪連唱歌都一樣咁好聽囉」
 
「我覺得妳地係似屈我上台多D囉」
 




「去啦!!!洗唔洗幫妳揀歌?」
 
「唔……」
 
「妳鍾意邊個歌星?除左黎明」
 
「唔…梁詠琪…楊千嬅…」
 
「咁妳鍾意唱咩歌?」
 
「王菲首約定，或者趙學而首最佳位置囉」
 
「不如我幫妳揀丫，我地得F.2，揀返D青春少女歌比較好」
 
「有咩青春少女呀?」




 
 
「妳講緊妳自己呀?青春期懷春少女」
 
「咁妳想唱咩?」
 
「約定啦，王菲果首」
 
結果我嘅歌聲都嚇親一班同學，由果日開始，佢地就不停問我有冇男朋友有冇人追緊之類