那些年，我等待的那個男孩子: 13

讀band 1中學果然係非常繁忙，每日有幾樣功課之外，仲要抽時間睇報紙做剪報。
差d俾呢d生活壓到透唔到氣，所以我無論幾攰都好，總要抽下時間睇小說
好多朋友都睇瓊遙之類。我反而睇岑凱倫、嚴沁、亦舒佢地嘅小說。
一個剛升中學踏入青春期嘅女仔，睇得愛情小說多，自然對愛情有憧憬，睇一睇筆袋上邊嘅草泥馬，又再一次諗起佢
 
於是我打開電腦，去我地小學同學個group到睇下有冇佢嘅消息
 
「喂!大家中學點呀?」
 
「我有男/女朋友啦」


 
「功課好忙呀」
 
「好多測驗呀」
 
呢d對話不停出現，點解冇佢嘅呢?我睇一睇個list，根本佢就冇被Add到入group
 
「咦?唔見程逸風嘅?」
 
等左一陣，group主終於reply我啦


 
「雪凝，我地專登唔俾佢入架，妳知啦，佢以前玩到咁癲又非禮妳，佢又去左間好差嘅中學，點知佢會唔會黎騷擾妳架」
 
「唔……但係始終都係同學嘛」
 
「雪凝，我地一班女仔都知妳鍾意佢，但係妳係優等生，又生得咁靚，好應該去搵第二個襯得起妳嘅男仔啦」
 
「係囉雪凝，我地介紹男仔俾妳識丫，妳讀女校冇男同學喎」
 
「我邊得閒丫，我好多小測呀……唉……今日又一個test啦，真係好攰」


 
點解d同學咁樣睇佢架……佢地唔記得哂以前阿風點幫過佢地咩?
 
正想我問班男仔佢去左邊時，我隻手突然停低
 
俾妳問到又點?妳自己去追佢咩?ba b一定唔會俾我咁細個就拍拖，倒不如，中學時代等下佢，睇下我地有冇緣仲好啦
 
10月嘅測驗，係我升中後第一個測驗，我唔可以就咁失手嘅
 
食lunch之後嘅課室，我同Ivana不停係到研究功課
 
「嘩…Jessie妳真係一個超級認真魔人，妳連少少時間都唔過呀?」
 
「我唔想失手呢，一陣俾學校趕走嘅話，我妹妹咪冇得係到讀囉」
 


「妳妹妹幾大呀?」
 
「佢三年級」
 
「得閒我去陪下佢玩先」
 
「妳冇妹妹架咩?」
 
「我得一個阿哥咋」
 
因為我同Ivana經常都係到溫書關係，所以我地就俾人冠上書蟲嘅稱號
 
其實我地兩個唔係書蟲啦，有時我地都會去銅鑼灣行街嘅，雖然我地有時都係行書鋪之類
 
就係F.2果年，我開始學打扮自己，我同Ivana兩星期左右就會行一次街