那些年，我等待的那個男孩子: 33

難得有一日放學，我地幾個冇事做，測驗完畢都想放鬆下，但係學校籃球場上，就有好熱烈嘅氣氛，因為有一堆男仔出現左。
 
當日係我地學校約左間男女校嘅女子籃球隊進行一場友誼賽，所以佢地嘅男子籃球隊，就黎幫手打氣(可能係做苦力幫女仔拎野，或者入黎女校見識下)
 
「咦，佢地幾個咪上次輸野飲俾我地d男仔囉，今日樂善堂黎友誼賽呀?」
 
「Ivana妳想留低睇?」
 
「順便去呃下野食都好呀，Jessie一齊黎啦」
 




「下!!!又關我事?」
 
「行啦!!!」我就咁俾佢地兩個捉左去睇波，同埋走近佢地一班男仔到
 
但係我地埋到去，就已經見到Jasmine坐左係班男仔之間
 
「Jasmine?妳坐係到做咩呀?妳唔怕俾媽咪鬧?」
 
「我邊會怕呢?媽咪知道我呢d都係教我打波嘅大哥哥，而且，應該佢地更怕我媽咪先係喎」
 




咁佢又冇講錯嘅，有邊個夠膽係我地學校入邊，公然蝦訓導主任個獨生女?
 
「但係妳唔坐返我地學校果邊，妳唔怕俾籃球隊d師姐鬧妳咩?」
 
「Jessie姐姐，乜妳認為而家仲有師姐敢係學校範圍內蝦我鬧我咩?」
 
Jasmine佢講得冇錯，自從上次佢自爆左之後，好多同學都怕左佢，小恐怖雞喎，所以有時Jasmine氣焰仲犀利過之前
 
「妳地三個唔坐低一齊睇?」
 




「我地企得啦Jasmine」
 
「Joanne姐姐妳小心喎，呢到全部都係色狼，除左我身後呢件怕羞仔之外」
 
「Hello三位女俠，我地又見面啦」
 
「怕羞仔你就冇用啦，射Key輸俾Ivana姐姐，拎唔到人地電話」
 
「下…詩敏…我冇打算…即係呢…..其實…」
 
「得啦得啦，唔玩你啦，一陣我怕你過度怕羞爆血管呀」
 
「Jasmine，咁佢地有冇野請我地食呀」
 
「怕羞仔!!!拎d雞脾魚旦之類請三位靚女師姐食」




 
「知道!!!」
 
Jasmine就好似公主咁點怕羞仔做野