那些年，我等待的那個男孩子: 20

我地三個追住個F.1妹，佢有少少面熟，不過佢真係未瞓醒咁樣
 
「同學，妳係咪F.1新生呀?」
 
「嗯…係呀」
 
真係冇估錯，佢係一個F.1妹妹，如果唔救佢，肯定會俾恐怖雞折磨到死為止
 
Joanne望一望校門「喂喂，Miss孔就出黎啦，快d救佢先啦」
 


「妳咪樣會俾Miss孔，我地個訓導主任捉唔整潔架」
 
點知佢嘅回覆令我地三個好驚訝
 
「恐怖雞之嘛，我怕佢有牙咩」呢位妹妹嘅態度好輕佻下，我已經想像到一陣佢中地雷果一刻會點
 
佢唔理我地繼續未瞓醒咁走去校門
 
「喂…我地三個跟住佢好d喎」
 


「行啦!!仲講」
 
終於去到校門果時
 
「妳!!!做咩唔扎好辮!!!」  「妳!!對襪做咩咁短!!!」 「妳!!!點解個頭係深啡色!!!」
 
恐怖雞用佢嘅獅哮功不斷咆哮，終於嚇到個妹妹醒左，佢好慌忙咁拎塊鏡出黎扎辮，超級狼狽
 
「Jessie妳去幫幫佢啦」
 


我走埋佢身邊「我幫妳啦妹妹」
 
「唔…唔該哂姐姐」