那些年，我等待的那個男孩子: 林雪凝日記(4)

1-9-199X
 
估唔到我第一日升中學嘅日子，就做左件轟動全校嘅事。孔美玲老師，Miss孔，綽號恐怖雞，果然名不虛傳。佢嘅殺氣真係可以令一個人企定定係到，我4年級果陣已經槓上佢，點知我今日又槓上多佢一次，今次我好似犯埋死罪咁，係佢面前除校章，就係為左阿風送俾我果隻公仔，有好多師姐話唔值得，但係隻公仔係佢唯一一樣送俾我嘅野，我點都唔可以放棄架。
 
不過我講出佢地幾兄妹個名時，Miss孔竟然會批准我掛公仔係筆袋上，佢呢個舉動都令在場師姐雙眼就快跌出黎。但係因為呢隻公仔，搞到我第一日返學就好出名啦….唉…我真係想低調返少少
 
第一日我就識到朋友啦，佢叫周家寶，Ivana。佢呢，就住我屋企附近，所以我地已經約好一齊返放學啦，佢今日扎起一條馬尾辮，佢問我點解咁麻煩要扎麻花辮，其實我扎麻花辮最大原因係因為佢囉，佢同我一樣好鍾意睇天空之城，佢想好似男主角咁飛行尋夢，而我就想好似女主角咁係佢身邊支持佢，Sheeta公主係扎雙麻花辮架嘛，所以我就一直扎住雙麻花辮。
 
21-9-199X
 




嘩….band 1學校真係好多功課呀!!!!又多測驗!!!!教左書3星期已經有小測，我真係唔知自己仲可唔可以捱落去啦!!!!不過為左雪晴，我做家姐嘅點辛苦都要撐落去架!!!
有時我同Ivana太攰，放學之後係會行下街放鬆下，而我地同班有一個同學就約我地去打下羽毛球出下汗，原來佢都係住我屋企附近，所以我就book左會所個羽毛球場一齊打波。果位同學叫Joanne，佢真係超超超超超靚女，又有身材同長腿，F.1就有咁嘅武器，大個左咪會成個Model咁囉，但係佢又唔鍾意喎，佢只想靜靜地嫁人生小朋友就算。咁都幾好呀，唔知話要娶我做老婆果個同學而家係邊呢?