那些年，我等待的那個男孩子: 8

終於到左升中派位果一日，ba b已經自己出黎掛牌做私家醫生，所以佢唔可以唔返診所，媽媽成為助護之一，所以我就自己一個帶住雪晴返學校睇結果
 
Lam suet ying……Ying Wah Girl'S School 林雪凝……英華女學校
 
第一志願呀!!!!我派到第一志願呀!!!
 
「嘩!!家姐!!妳有第一志願喎」
 
「係呀!!!所以妳都唔洗擔心啦!!!!家姐幫妳考到間好好嘅中學啦!!!!」我開心到抱起雪晴係到轉
 




拎左派位結果，我就帶雪晴返診所同ba b媽媽講我嘅結果，好奇怪，係課室內唔見佢
 
可能我同佢緣份已經完左啦，我同佢…就當係一個回憶啦
 
當我同雪晴兩個人離開學校果時…佢追住我地了
 
「妳…妳可以等一等我嘛?bb豬」
 
拖住妹妹嘅我轉身望一望佢
 




「bb豬?你…叫我? 」
 
「係…我…有樣野想送俾妳…今日之後…唔知仲見唔見到妳」
 
「送野俾我?你成日蝦我，又…又叫我做…」當時嘅佢面紅紅頭耷耷好怕羞
 
「我知妳入到間Band 1中學…而我就…所以…今日我想同妳講清楚」
 
「呢…呢隻公仔…送俾妳」
 




「咁得意嘅…呢隻係…」
 
突然佢捉住我雙手，然後錫落我個咀到
 
兩個咀痴埋一齊，心跳同呼吸突然加速
 
「我鍾意妳…」
 
「下?」
 
「雖然我讀書唔叻，我襯唔起妳…但係…我真係好鍾意妳呀!林雪凝!!!」
 
佢講完之後就轉身走左，我呆呆咁企係到
 
佢…對我表白?佢…鍾意我? 原來我一直鍾意嘅男仔…佢都鍾意我?




 
「家姐…家姐!!!」
 
「係…係!!!」
 
「開心呢?俾鍾意嘅人錫左啖喎」
 
「邊…邊有呀…」
 
「咁妳銀包張相呢…果個明明就係佢…」
 
「妳…妳咪多事啦，我請妳食雪糕啦」
 
估唔到，係果日之後，我就再冇見過佢，應該話佢同我冇重遇過，即係我見到佢，佢又唔認得我咁樣