那些年，我等待的那個男孩子: 林雪凝日記(3)

20-6-199X
今日係學校畢業宿營最後一日啦，5日4夜嘅宿營好唔捨得啦。夜晚我發現阿風自己坐左係草地上抬頭望星星，於是我就坐係佢身邊陪佢一齊睇星星。
 
佢仲好掛住佢過左身嘅爸爸，雖然阿風成績差，但係佢係一個好人黎，我始終覺得佢嘅能力唔係反映係成績表上邊
 
果晚我第一次雙手撓實佢，個頭挨住佢膊頭，我感覺到佢錫左我額頭一下，我同佢一齊睇星星，然後我瞓著左，佢就孭我返女仔房
 
18-7-199X
今日係升中派位啦!!!一如我所願，我派到第一志願!!英華女學校!!!我仲幫雪晴入埋英華女校啦!!!計返應該到我F.5果年，雪晴就會F.1入學，計到剛剛好。
 


阿風呢?冇人見過佢，於是我就拖住雪晴，有D失落咁離開學校
 
點知突然間佢追出黎，送左隻公仔鎖匙扣俾我之後…之後佢….佢捉實我雙手，錫左我個咀一下
 
果一刻我同佢都合埋雙眼，唔知我地錫左幾耐啦，我好唔捨得咁放開，然後佢同我表白…原來佢一直都係鍾意我
 
不過佢同我講完之後，就走左去
 
即係算點喎!!!錫完我就走，你知唔知我都鍾意你架!!!我個初吻就咁俾你拎走左啦!!!死人頭!!!我想應承你架!!!你走左去，我又點嫁俾你呀!!!
 


死人頭!!! 死人頭!!! 死人頭!!! 死人頭!!! 死人頭!!! 死人頭!!! 死人頭!!!我憎死你呀!!!!
 
其實我都好鍾意你架……