那些年，我等待的那個男孩子: 3

「喂，我整果d麵包送埋俾妳丫，妳話妳要整俾屋企人食」
 
「咁你呢?你唔洗俾屋企人食架咩?」
 
「家姐同媽咪會整野俾我同爸爸食架啦，我果d俾埋妳啦」
 
當佢俾埋佢整嘅麵包我果時，我都做返個回禮
 
「呀…我請你食一個麵包丫，我呢到多左個」
 


「請我食?真係冇問題?」
 
「嗯」我微笑對住佢
 
「多謝妳」
 
我同一齊佢步出校門
 
「家姐!!!」我個妹妹走過黎攬實我
 


「妳妹妹好得意喎，小妹妹，妳叫咩名?」佢摸住我妹妹個頭，彎低身望住佢
 
「我叫林雪晴，今年4歲，讀K2A班」
 
「個勞作咁得意嘅?妳係學校整架?」
 
「送俾家姐架」
 
「佢真係好得意喎，我可唔可以抱下佢呀?」
 


「可以呀」
 
阿風抱起我妹妹
 
「哥哥我好鍾意你呀」
 
「我都係呀雪晴妹妹」
 
「阿風!!!返屋企啦!!!」黎接佢嘅係一個著住白色連身裙，領口有四粒紅鈕嘅大姐姐，果個應該係佢家姐啦，姐姐讀果間中學，係我其中一個目標之一。佢家姐生得好靚，有一把及膊嘅頭髮，扎成一條馬尾辮。而佢姐姐身邊，有一個K3左右嘅小妹妹係到
 
「女同學呀細佬?」
 
「唔通佢係男仔?」
 
「衰仔!!咁串我?」姐姐推左下阿風個頭


 
「姐姐妳好，我係佢課外活動嘅同組同學，我叫林雪凝」
 
「乖啦，我係程逸風個家姐，我叫程逸怡，我細佬有冇蝦妳呀?」
 
「冇呀，佢好幫我手架，我整左D麵包，姐姐我請妳同妹妹食一個丫」
 
「多謝妳呀，詩敏，同姐姐講多謝啦」
 
果個K3小妹妹對住我笑住講「多謝姐姐」
 
「妳叫咩名呀?」
 
「我叫張詩敏，今年5歲，我讀K3A班」
 


「唔?姐姐妳唔係姓程架咩?」
 
「詩敏係我地契妹黎架，好啦，阿風詩敏，我地返屋企啦」
 
「拜拜姐姐」眼前呢個K3小妹妹真係好得意好可愛，佢甩開姐姐隻手，拖實阿風慢慢咁行，佢地三個人一齊上左一部私家車上邊，車頭應該係坐左佢地媽媽同朋友，而車上有一個校章，果間學校我一直都好想入，西區所有女仔嘅中學目標，英華女校。
 
即係呢兩姊弟可能同英華女校有關係?