那些年，我等待的那個男孩子: 林雪凝日記(1)

17-5-199X
 
今日係課外活動，我期待左好耐啦，因為我一直都想試整麵包，尋晚我仲開心到瞓唔著。
落堂之後，我跑去指定課室等老師黎，我一入到去，就見到有個男仔係到，竟然有男仔會黎上家政麵包坊，好奇心令我走去點名果時睇下佢叫咩名。

佢係隔離3D班嘅程逸風，我終於知道佢個名啦，雖然佢日日排隊都排我隔離，我同佢之間有大約兩米距離啦，因為我係3C班。
 
一開始，老師就要我地分組，我怕佢冇組，所以一開始我就走近佢身邊，同佢一組，原來佢知我叫咩名架!!!搞到我有D怕羞添。

搓麵粉果時，我搓得太開心，成面都係麵粉啦，於是佢就幫我抹左下面。




 
突然間心跳好快，我望住佢，佢對我微笑，然後我同佢一齊搓麵粉整麵包。

係過程中唔知佢有心定冇意，佢經常捉住我對手，但我又由得佢捉住我對手一齊搓麵粉。
 
原來佢有個家姐架，姐姐叫逸怡，怡姐姐係聖嘉勒女書院嘅學生黎架，佢一套白色校服加四粒紅色鈕真係好襯佢，姐姐真係好靚女呀!如果我生到好似姐姐咁就好啦，

佢地仲有個同雪晴差唔多大嘅契妹，眼仔大大咁好得意架。
 
死啦…佢請我食麵包果陣我好開心呀!!!佢捉實我雙手果陣個心跳得好快呀!!!!




 
我鍾意左呢個男仔呀!!!!唔可以俾屋企知架!!!3年級就鍾意男仔…會俾ba b鬧死架!!!
 
不過我唔講，佢又點知呢?haha!!!