《我用廣東話征服世界》第一季 已完結: 第十八篇 奇怪的密室

上官鳩爬咗一段時間終於見到一個通風口，鳩偷偷從通風口窺探出去，
依度係一間清閑華麗嘅酒吧，吧枱上面有杯紅酒，播放住好Chill嘅Lo-Fi 音樂，
鳩見出面空無一人就靜靜雞從通風口跳落嚟，舒適嘅環境正好舒緩上官鳩緊張嘅心情。
正所謂吊頸都要抖下氣，上官鳩行入吧枱倒咗杯冰水嚟飲，
鳩一邊飲水一邊四圍望吓邊度有路可以逃走，
鳩望嚟望去發現：「咦⋯奇怪啦，點解依間酒吧一道門都無嘅⋯」
「叮叮叮～叮叮～」吧枱上面嘅電話突然響起來，似乎係有人打過嚟。
鳩接起電話但唔出聲，想聽下電話入面嘅人講咩。
電話：「喂～」
鳩：「⋯⋯⋯⋯」


電話：「喂～？」
鳩：「⋯⋯⋯⋯⋯⋯⋯」
電話：「喂！上官鳩你做乜唔撚講嘢啊！？」
仆街啦⋯原來係頭先嗰個女人。佢點解知我係到嘅⋯⋯
鳩：「吓⋯咩事啊？」
禮行：「白痴仔！頭先做乜唔出聲啊！？」
鳩：「吓⋯咁我逃走緊嘛，點可以俾人知我係到架⋯⋯」
「哈哈～哈哈～」電話裏頭不斷傳來禮行嘅笑聲。
鳩：「你⋯⋯⋯你笑咩啊？」
禮行忍住笑講：「哈哈～無野啊～咁你努力啲逃走啦！」


講完就cut咗線。
鳩心諗「洗鬼你講咩⋯⋯不過佢地應該好快會嚟捉我，我要快啲搵條出路先。」
鳩喺酒吧行咗個圈，發現吧枱旁邊張沙發底下有道鐵門通去地下室。「咁睇嚟依間酒吧得依對門可以走啦。」我推開沙發心裏念着。
鐵門嘅旁邊扣了一把鎖，這把鎖不需用鎖匙，因為它是一把密碼鎖，
只要輸入三個數字就能輕鬆打開。雖然我唔知密碼，不過如果有人驚唔記得密碼而寫低咗，咁我就有可能打開依個鎖啦。我望一望周圍，水吧嘅雪櫃嘅上面貼了四張memo紙，我行近睇吓上面寫乜嘢。

第一張寫住：「雪櫃入面嘅嘢唔好雪。」
到底係咩意思啊⋯⋯⋯雪櫃入面嘅嘢唔好雪？
我打開雪櫃睇吓，有一樽結咗冰嘅飲料，我將飲料攞出嚟解凍。



第二張寫住：「最後飲埋杯酒。」
杯酒⋯係咪講緊枱面上杯紅酒呢？最後飲⋯咁一陣先飲啦。

第三張寫住：「三間屋，我住中間。」
三間屋？係咪比喻三個密碼呢⋯⋯

第四張寫住：「酒精與香煙。」
酒精與香煙⋯⋯咩意思呢？總之搵吓周圍有無包煙仔先。
果然櫃桶入面有包煙仔，我打開包煙仔入面得返4支。

睇嚟所有線索都係晒到啦⋯鳩攞起枱上面杯紅酒，搖晃一下就倒入口，味道好奇怪，鳩直接吞入肚子。
一股熱流從內散發出嚟，鳩飲完杯紅酒之後發現玻璃杯上面有個3字。
鳩諗咗陣突然茅塞頓開，睇嚟鳩已經估到密碼啦。密碼係⋯⋯⋯⋯⋯