《我用廣東話征服世界》第一季 已完結: 第十七篇 逃亡

童童喊唔停，遊都覺得童童好慘，自己細佬居然咁禽獸不如⋯⋯
「你唔好喊啦，一定搵得返鳩㗎⋯⋯er⋯我已經有線索啦！只要調查下個錄音機一定查到啲蛛絲馬跡⋯⋯」遊拎起個錄音機俾童童睇。
童童望一望個錄音機：「係咪真係㗎⋯」
遊自信滿滿咁講：「緊係！」
童童聽到遊咁講亦放心好多了「只要有依個錄音機就搵得返鳩啦！」童童望住個錄音機內心終於搵到一絲希望。我被困在類似監獄嘅房間，要離開依度只能從鐵門或頭上的通風口，我嘗試用力去拉一拉鐵門，可惜鐵門紋風不動，依個時候門外傳嚟一把女人聲音：「推㗎傻仔～」
我用力去推⋯⋯鐵門依然郁都唔郁～
女人笑著講：「哈哈～鎖咗架！」
我意識到我俾依個女人鎖咗係依間房：「你係邊個？依度咩地方嚟？」
女人：「依到係明宴會～」
我：「明宴會！？你地捉我做乜？」


女人：「哈哈哈～最近我地唔夠人用咁咪捉啲人嚟加入囉。」我奇怪，搵人加入唔係應該搵啲自願者咩⋯⋯
我：「吓？⋯⋯如果我唔加入呢？」
個女人用開玩笑嘅語氣講：「哈哈～咁你咪會死囉。」
我聽到寒毛直豎，佢並唔係對我開玩笑，此刻我弄清楚我嘅生死已經被人掌控之中。
女人接住講：「不過你都唔洗咁驚～我地有方法令你甘心加入明宴會，上官鳩。」
佢叫我個名嘅時候我背脊寒一寒，我從鐵門下面嘅通風口窺探出去。門外站著一個女人，
不過我睇唔到佢嘅樣貌，只睇到依個女人白哲嘅雙腳，而右邊嘅大髀上好似有個紋身，雖然睇唔到樣，不過應該就係依個女人同我傾計。依個時候有兩對腳步聲行近「噠噠～噠！」，睇佢地兩個對腳應該係兩個男人，
其中一個男人講：「禮行，時間差唔多啦。」
禮行：「好啊，咁我地走啦。」然後就走左。
我心諗：「⋯⋯⋯⋯⋯咁就走左？唔係想踢我入會咩？頭先嗰個女人叫禮行，佢地去邊呢？唔係啦，襯依家無人快啲逃走先啱。鐵門鎖咗咁就喺頭上嘅通風口逃走啦。」



鳩望向天花板，通風口嘅位置就喺木枱嘅上面，鳩踩上木枱再將手伸到最長，依然有一小段距離先掂到通風口嘅鐵框。鳩靈機一觸除了褲上嘅皮帶丟上鐵框，
皮帶穿過鐵框後掛在鐵支上，再用力捉緊皮帶嘅兩端向下拉「砰！」整個鐵框跌落地下。上官鳩沾沾自喜心諗：「哈哈～就憑依間監房想困住老子，下世投胎先啦。」
鳩跳起捉住通風口引體上升成功爬入通風管道。

依條通風管道極之昏暗而且狹窄，鳩係伸手不見五指嘅通風管道向前爬咗幾分鐘，
突然一道爆炸聲係背後傳來「轟！」爆炸嘅巨響令鳩感覺到一陣耳鳴，
上官鳩捂住耳仔望去後面⋯爆炸！？點解會爆炸嘅⋯⋯
鳩諗深一層非常詫異⋯「如果頭先留係嗰間房⋯⋯我豈不是俾人炸死左！？」
「佢地啱啱話時間差唔多⋯⋯係講緊個炸彈！？」


鳩越諗越不對勁，冷汗不斷從額頭流出，
剛才原來一直身處於死亡嘅邊緣⋯
鳩加把勁向前爬，宜家只想盡辦法逃離依個鬼地方。