《我用廣東話征服世界》第一季 已完結: 第十九篇 神秘的女孩

三間屋，我住中間。
如果比喻返三個密碼，咁中間嘅密碼就係依個「我」字。
轉做英文I live in the middle. 「I 」字就係密碼，咁就試吓輸入1啦


最後飲埋杯紅酒。
飲完之後發現杯酒上面有個3字，咁最後嘅密碼應該就係3。


酒精與香煙。


應該係將4支煙仔與酒杯上嘅3字將相加，所以係7。

密碼應該就係713。我輸入密碼之後鎖果然打開了，不過一開始解咗凍嘅飲料有咩用呢？
上官鳩攞住支飲料慢慢行入去地下室。鳩戰戰兢兢咁一步一步行入地下室，
突然「砰！」一聲鐵門緊緊關上，鳩嚇咗一跳。
依個時候地下室入面有一間房間傳來一把女聲：「喂！上官鳩～過嚟啦～」
係禮行嘅聲音。
鳩心諗：「仆街啦⋯⋯今次想走都走唔甩⋯」
禮行又大聲叫：「快啲過嚟啦～」
鳩心裏念著：「既然走唔甩，咁就一於會一會佢啦⋯⋯」


鳩站在房間門口決定鼓起勇氣打開門一看究竟。
一個氣質純潔看似不吃人間煙火嘅女仔坐咗係間房入面，
上官鳩被女子嘅外表吸引到呆咗⋯⋯
「喂！行過嚟啦！」
「你係禮行⋯⋯？！」
「嗯～你頭先有無攞雪櫃樽野嚟啊？」
鳩望一望手上解咗凍嘅飲料：「有啊，做咩啊？」
禮行笑一笑講：「太好啦，叻仔～」
鳩一臉黑人問號！？
禮行伸隻手出嚟講：「哈哈～上次放咗喺雪櫃都唔記得攞返出嚟。」



⋯⋯⋯鳩如夢初醒過來：「吓⋯原來張紙你貼上去架？」
禮行：「係啊～我口渴嘛。」
鳩：「咁你貼上去嘅時候唔拎埋樽嘢飲？」
禮行：「我用英文言靈貼上去嘅。快啲攞嚟啦就渴死啦～」
鳩：「⋯⋯⋯」
禮行拎返樽嘢飲飲。
鳩望住禮行誘人嘅樣子，小嘴含住樽口，內心不禁有啲遐想，
鳩深深吞一啖口水振作過來問：「喂，你地捉我過嚟做咩啊！」
禮行：「咩捉啊～係邀請你加入明宴會啫，唔好捉捉聲咁難聽～」
鳩：「咁⋯⋯我差啲比你地炸死喎！」
禮行：「er⋯⋯⋯都只係考驗下你啫～你宜家都無事啦！」
鳩嬲嬲地咁講：「哼！我唔會加入你地個明宴會，你地搵過其他人啦⋯⋯」
禮行見上官鳩有啲不屑，就慢慢行到鳩旁邊。
用嬌嗲嘅聲音係鳩耳邊輕聲細語講：「喂啊～～咁易嬲架～」


禮行對奶貼住鳩嘅手臂上：「肯唔肯原諒我啫～～」
鳩望一望禮行對奶，雖然唔大但啱啱好可以夾住手臂，
彈性十足嘅奶，
令到鳩忍唔住自己嘅巨龍不禁扯咗旗。