《我用廣東話征服世界》第一季 已完結: 第十六篇 明宴會的陷阱

同佢地打完招呼之後遊就問：「係啦，依個黑盒你點得嚟架？」
鳩：「琴日有個人㩒門鐘話俾我，俾完我就唔見咗人。」
遊追問：「明宴會嘅人？」
鳩：「你點知架？」
遊望住個盒諗咗陣然後話：「係咁嘅，最近言靈師公會發現最近有唔少人失蹤，而佢地失蹤前都收過一個黑盒，傳聞黑盒係明宴會派嘅。」
鳩：「咁點解唔直接搵明宴會啲人問清楚？」
遊：「我地都想，不過依個組織太神秘，我地連佢地嘅成員有幾多人都唔知⋯」
鳩：「咁我地打開個盒咪知佢地失蹤去咗邊囉⋯」
童童企係隔離聽佢地講嘅對話驚到腳震，捉住上官鳩隻手：「喂啊，我地丟咗個盒佢啦⋯⋯」上官鳩笑一笑話：「無事㗎。」畢竟鳩係一個內射女朋友都唔驚嘅人，所以比起其他人都要大膽。
遊諗咗一咗又話：「依個盒俾阿拉伯語言靈封印住，既然佢地俾上官鳩，咁應該得上官鳩可以打開。」


上官鳩R一R頭：「阿拉伯語言靈？咩嚟㗎？」
遊：「你老師無教過你咩？宜家啲老師真係唔可靠⋯⋯」
上官鳩嘅老師就係頭先同上官遊飲酒飲得好開心嘅茉里奈老師了。
「阿拉伯語言靈就係改變某物件嘅使用者。例如依個黑盒，使用者改變為上官鳩，所以只有上官鳩可以打開。」
鳩即刻話：「唔係喎，我打極都打唔開喎⋯⋯」
上官遊舉起個盒就話：「佢地可以設定埋打開嘅方法，你試吓對住盒上面嘅笑哈哈用廣東話言靈，個盒應該會自動打開。」上官鳩望住手掌上嘅黑盒猶豫咗陣，雖後對住盒子上嘅笑哈哈講：「開！」
轉眼間盒子上嘅笑哈哈變為笑容詭異嘅小丑圖案，盒子亦慢慢打開同時在盒子裏傳出一段錄音：「transfer to the blue room.」
上官遊愕然睜大眼睛，英語言靈！？
上官鳩瞬間被扯入盒子，再次張開眼嘅時候已經去到一個陌生嘅地方，上官鳩望望周圍，只有一張石床同一張木枱，同監獄裏嘅設計無分別⋯⋯
木枱上面有一張紙上面寫著：「恭喜你嚟到依度！你被選中了！」


鳩：「選中？？依到邊度嚟⋯？」

英語言靈可以對人類使用簡直係荒謬至極，依件事完全係上官遊意料之外。
英語言靈應該只能夠空間轉移死物，從古到今無數人嘗試過用英語言靈將生物空間轉移，但最後都失敗⋯⋯
上官遊感覺非常難以置信眼前發生嘅事，但佢更擔心嘅係細佬宜家嘅安危。
童童更是愕然問：「鳩呢⋯⋯⋯？」
遊都唔知應該點同童童解釋：「佢⋯⋯俾人傳送咗去第二個地方。」
童童追問：「吓⋯邊度啊？！」
遊：「⋯我⋯我都唔知⋯佢去咗邊⋯」
遊執起地上嘅盒子檢視，盒子裏頭有一個錄音機，發出聲音嘅應該就係依個錄音機，而錄音機有改裝過嘅痕跡內部有一粒靈石，所以能夠令錄音機用使用言靈。


童童擔心鳩擔心到喊咗出嚟，遊嘗試安慰童童：「唔使驚，鳩一定無事架！」
童童：「嗚～你點知喎！萬一鳩死咗我點算啊！」
遊奇怪，就算鳩死咗，最傷心應該係我依個啊哥喎⋯⋯
遊：「萬一鳩死咗⋯你就搵過第二個啦⋯⋯」
童童聽到佢咁講，喊得更大聲講：「嗚嗚～咁如果我有咗點算啊～嗚嗚嗚～」
遊恍然大悟然後嚇一驚！！
細佬個仆街仔已經搞左人地⋯⋯⋯仲要無帶套⋯⋯⋯