［打鬥/靈幻/鬼怪］《輪迴。道》/《噬魂》我由古惑仔變咗做現代道士: 575《第二季》

「……」陳天航沉默的坐在地上，低著頭，背靠著牆，情緒起了點變化

「武仔、烈哥仔、𡃁仔、啊魚、妹頭….英叔啊，你又真係好似淨係叫啊仁係咩特別稱呼都冇」啊烈「細心」數出英叔平常叫眾人的稱呼

「呃…..咁都好小事姐，洗唔洗成個女人咁小氣，唉….」英叔也不知所措，雙手叉腰的無奈嘆氣

「九叔啊…點解你要咁樣對啊仁」啊武問九叔

「學道嘅人最忌執著…..人一有執念就….」九叔說完後就黯然的往夢晞病房走去





「九叔我扶你」葉尚生主動上前扶著九叔前行

「我諗…我明老野講咩」英叔懂得九叔的心意

「係咩啊？」啊武問

「老野係驚啊仁會一直諗唔通，最後鑽埋牛角尖，會變到好似閻三咁…..」

「呃……真係會咁誇張咩…」啊烈有點疑惑





「烈哥仔…..你冇親眼見過執念係點樣蠶食一個人嘅靈魂，你唔會明….」

「蠶食人嘅靈魂….」啊烈聽後若有所思

「當年我識嘅閻三係一個好有幹勁、好有抱負嘅人嚟，你地諗下我嘅師父會想佢做掌門做四力，你就知閻三原先係一個點嘅人

但就係因為放唔低一時嘅執念….無論感情上又好、能力上又好佢都覺得自己輸比霍老大，就係咁一步一步走向滅亡嘅道路」

「但係啊仁佢….」啊武始終有點擔心啊仁





「或者我地應該比啲時間佢，等佢自己諗通」英叔拍拍啊武的肩膀說

「嗯….」啊武也只好欣然的點頭

「我….係咪真係唔同咗好多？」這時坐在地上的陳天航突然問

「呃….做咩突然咁問」啊烈回頭問他

「答我…」陳天航抬起頭看著眾人

「係，你由死而復生醒返之後，成個人都唔同曬」回答陳天航的確，是啊武

「嗯…..」陳天航點著頭聆聽

「以前嘅你對所有人所有事都會好關心，依個係一開始我同你做朋友做兄弟嘅原因，但依家嘅你好似所有野都事不關己咁，脾氣又差，又串，根本就係第二個人嚟嘅」





啊武說著說著就有點哽咽，看見這樣，啊烈就拍拍啊武，然後他負責接著說下去

「但係同時，我地都知係因為死過翻生依件事令到你變成咁，唔關你事，所以我地做兄弟嘅一定會陪你變返以前嘅陳天航」

「我…我會盡力…努力變返以前嘅陳天航」

陳天航的比起前段時間的他，開始改變了

原因…..

………….

「啊！！！！」





凄烈的慘叫聲充斥住整個兜率宮

「舒唔舒服啊！師父！！」祝融用著他那黑色的氣鞭抽打著我的身體

「啊！！！！」他抽打的每一鞭都令的痛不欲生，那種痛就像是持續被火燒一樣

「師父！我以前都比你罰得多！依家到你試下！」

「啊！！到底邊個係你師父！！！我唔係啊！！」我忍不住問他

「嗄….呼！！」聽到我說話的祝融停下了手腳

他收起氣鞭，先整理一下了他的衣服，再站正在我面前

「你係真唔記得定假唔記得啊師父」他雙手交叉放在腰後





「嗄….嗄….我真係唔知你講咩….」我是真心的不知情，事已至此我不需有什麼好隱瞞

「呵呵，你老人家咁狡猾，我好難信你」他掩嘴一笑

這時，兜率宮的門外突然傳來一陣躁動

「玉王大帝駕到！！！」

一名天兵高呼