［打鬥/靈幻/鬼怪］《輪迴。道》/《噬魂》我由古惑仔變咗做現代道士: 576《第二季》

「玉帝？！」祝融被玉帝突然的到來震驚到

「師父….你老人家果然寶刀未老」祝融對著我冷笑

「嗄…..我唔知….唔關我事….」我馬上為自己澄清，真的不是我，我又有何能通會到玉帝此等大人物

他沒再跟我廢話，雙指豎起

「偷天換日，擋目閉神，藏！」





他將我藏到了一個結界之中，然後才慢條斯理的到外恭請玉皇大帝

「參見玉帝」祝融他對玉帝做出拱手之禮

「哎老君，你我相識多年，就不必客氣啦」玉帝抬起祝融的手說

「咁未知玉帝令次到來，所為何事」祝融直問玉帝

「我地入去再講」玉帝指著兜率宮內





「嗯…好」祝融遲疑了半秒才請玉帝前行

而且二人明明就能正常的說話，但偏偏要裝作文縐縐的說話

天庭人真是麻煩…..

二人來到兜率宮的內部坐下

祝融把玉帝帶到大廳，他伸出兩指往桌面揮一揮，桌上那冰冷的茶瞬間就變成了滾茶





「老夫招呼唔到，玉帝請坐」

「都話唔洗咁客氣」

「好，好～」

二人喝上一口茶，靜靜的坐著

良久….

「好啦，依到冇人，玉帝你今次嚟搵我係咩事？」祝融也不浪費時間，直接進入正題

「融，我信唔信得過你？」玉帝嚴肅的問祝融

「當然可以，當年師父被貶下凡間，如果唔係多得玉帝你肯提拔我，我依家可能都仲係三流神仙」





「融，你要記住神仙冇分三唔三流，做好本分就得，況且我係睇到你好有天份先會係上官眾神面前提下你個名，你能夠登上依家依個職位，唔能夠話完全關我事」

「總之玉帝你嘅提攜之恩我咁多年都記係心裏面」

「咁就好啦，咁我都入正題，我今次嚟搵你係有兩件事」玉帝舉起兩隻手指

「係，係咩事呢？」

「你知唔知地獄嘅判官失咗蹤？」

「嗯？係咩？我終日留係煉丹房，真係唔知地界嘅事」祝融早預到會有人提及判官的事，所以已有心理準備

但只是想不到會是由玉帝親自問他





「前幾日有獄兵見到神神祕祕咁拎住啲野上咗天庭，之後就失咗蹤，連閻羅王都唔知佢去咗邊，所以我懷疑佢出咗事」

「會唔會佢拎咗地獄一啲野偷偷落咗凡界？」祝融打算用藉口遮掩判官被他殺死一事

「依件事我就係想你幫我去查，我懷疑天庭有人做緊禁事」

「點解玉帝你會咁認為？」玉帝說時，祝融也不禁有點心虛

「感覺…我感覺到天庭有一股魔氣係到迴盪緊，我個心有不祥嘅預感」

咔咯…玉帝拿著的茶杯突然碎裂了，碎片把玉帝的手指劃損了

「玉帝！」祝融緊張的捉著玉帝的手

「冇事冇事，放心」玉帝將手揮一揮，那小小的傷口就不見了





「好，玉帝你放心，依件事就交比我，我會去查證依件事」

真可笑，讓祝融去查這事，簡直就是賊喊捉賊

「同埋仲有一件事….」玉帝欲言又止的

「係咩事令玉帝你咁難開口」

「你師父係凡間嘅化身死咗….」

「嗯..我知啊，有聽到啲天兵天將講起過」祝融裝作淡定的說

「但你可能唔知，佢肉身比神力灌法強行復活咗，而佢嘅其中一個魂魄就落咗去地獄」





「凡界會有啲咁有能力嘅人？」

「有，上官眾神一早都有叫我留意佢，佢嘅靈力一早超越所有凡人」

「咁佢係一個咩人」祝融聽到玉帝的話，心裏像多了一根刺

「但我查過佢嘅身世，佢只係普通人，完全冇任何特別嘅地方」

「一介凡人….點可能有咁嘅能力」這刻，祝融心裏多了一件事要辦