［打鬥/靈幻/鬼怪］《輪迴。道》/《噬魂》我由古惑仔變咗做現代道士: 574《第二季》

是陳天航說的話

「你知？！係邊個！」王奇將目標轉向陳天航

他搖搖晃晃的走到陳天航身前

「係咩人….」王奇沒了剛剛的火爆，很平靜的站在陳天航面前

「一個係段氏集團主席段天嘅管家——習維，一個係段天嘅細佬——段一凡」





「點解你會識佢地」王奇再問

「因為洛兒係段氏做，我見過佢地」

「航？！你有同洛兒嘅記憶？！」啊烈聽到陳天航的話後重點放了在他的記憶上

「我…..」陳天航也頓時瞪一瞪了眼

「我記得….？」陳天航問自己





「唔理你記唔記得….點解佢地會嚟搞事？」王奇斬斷啊烈和陳天航的對話

「應該….係因為我」陳天航說這句時，頭微微的低下，不太敢直視他

「因為你…呼…」王奇聽後深呼吸一下

啪！！王奇突然揮拳，將陳天航打倒在地

「啊魚！唔好咁！」英叔見狀立即上前拉著王奇





而啊武就護在陳天航前面，啊烈將其扶起

「啊奇冷靜啲先啦，啊航佢都唔想㗎，佢盡咗力去保護夢晞㗎啦」啊武為陳天航說好話

「盡力？我地對佢冇盡力咩？自從佢出事醒返之後，我地邊個唔係盡曬力咁幫佢？佢有冇多謝過我地一句？？」王奇推開拉著自己的英叔

然後走向夢晞的病房

「唉…..」英叔無奈嘆氣

「咁啊奇又冇講錯啊…..」啊仁突然插上一句

「你收聲啦！出少句聲當幫忙啦！！」英叔聽到後馬上怒火沖天，向啊仁喝罵

「…….」啊仁馬上收了聲





「咩時勢啊…..醒目少少當幫手啦」葉靈在一邊也忍不住揶揄了啊仁一句

「我幾年冇返嚟姐，九叔做咩收生門檻咁低」葉尚生口賤的說

葉靈用踭輕撞葉尚生，示意他趕緊閉嘴

「喂！好啦喎！！」啊仁突然爆發

眾人瞬間將所有注意力都放到啊仁身上

「次次都係咁！我講咩都錯！啊航就做咩都啱！啱啱啊奇夠有鬧啊航啦！你地唔話佢！點解次次都係我有問題！！」

「仁….」啊武想充當和事佬





「行開！」啊仁卻一手推開了啊武

「你地話佢死過返生、失憶好慘！咁我呢！女朋友唔見咗！仲要係隻殭屍！有冇人問過我！關心過我啊？」

「……」眾人不語

「唔好講近排啦！一直以嚟都係咁！平時練野，明明係我贏嘅又變咗佢贏，明明我天份高過佢！點解九叔英叔淨係錫佢！點解咩都要就曬佢！」

「你咁唔滿意嘅，走」九叔突然出現在啊仁身後

「九叔！我地唔係叫你留係屋企休息㗎咩？？做咩過嚟啊」葉靈看到九叔的到來馬上上前扶著他

「唔洗扶我，我係盲但我未廢」九叔不願被扶著

「老野…你記唔記得自己有心臟病」英叔補了一句





九叔沒理會英叔

「九叔….我….」啊仁聽到九叔剛剛跟他說的話頓時怯了

「我頭先講咗，既然你一直都咁多唔滿意，我都唔勉強你，你走，我當收少個徒弟，教少個我仲舒服」

「九叔…我唔係…我只係一時火起，同埋平時你地真係太偏心，所以我先….」

「我冇偏心，係你自己放唔低贏輸嘅偏念，我唔識教」九叔卻始終堅持自己沒有偏頗

「…….咁我冇野講」啊仁就此說下一句後，離開了

「喂啊仁，同九叔講句對唔住咪冇事囉」啊武再次拉著啊仁





「對唔住？我有做錯野咩？」啊仁掙開啊武的手

「喂，啊仁～冇事啦，英叔啱啱一時火遮眼，我唔啱啦，嗱！我認咗衰仔啦，你都快啲認句錯啦」英叔放下剛剛的怒氣，變回平時的那個英叔

「英叔，你知唔知你叫每一個人都有花名，除咗我」啊仁盯了英叔一眼就真的離去

「喂！啊仁！我有咩？？你想我點叫你你講啦！唔好成個女人咁易嬲啦」

……..

啊仁沒有回頭，真的走了