［打鬥/靈幻/鬼怪］《輪迴。道》/《噬魂》我由古惑仔變咗做現代道士: 541《第二季》

「係我怕佢會驚你擔心唔想比你知住，所以打算等佢醒返先叫佢講你知」葉靈續說

「嗯….好，唔該你」洛兒聽完葉靈的話只說下一句就轉身離開

「妹頭啊，咁樣佢可能會亂諗㗎喎」英叔靠近葉靈說

「冇辦法，咁我的確係咁諗，我又冇做錯啲咩，誤會都冇計」葉靈不以為然意的說

之後他們就起程回去，接下來他們有一件更大的事要嚴肅處理





數十分鐘後，他們回到了象山

「佢…」葉靈一進屋看到徐峰就覺得這個人好像在很久以前見過，但她也無從考證

「啊航點啊？」啊烈見他們回來就問

「做完手術，但仲未醒，醫生話佢內藏全部都有傷」啊武直接說

「咁嚴重…..我出錢幫啊航轉私家醫院」啊烈想了想就說





「等佢聽日醒返再作打算，依家我地有啲事要處理」九叔看著啊晴說這句話

「好…」

「啱啱我地行開，有冇咩事發生」九叔問

「呃….冇啊」啊烈搖頭

「嗯」九叔回應了啊烈後就走到霍鎮海面前





「霍大哥，我唔知你係真痴定假傻，依個係邊個？」九叔單刀直入，指著啊晴就問霍鎮海，毫不留點挽留的餘地

「下？？」啊晴當下的第一反應是詫異

「呃….九叔….」啊仁也顯得愕然

「……」霍鎮海只懂呆呆的看著九叔，沒有接上話

「九叔啊，佢咪係霍老大個女啊晴囉，做咩啊？」啊仁為女友發聲

「好，你話你係霍蘊晴，咁你識唔識我？」九叔問啊晴

「唔…唔識…」啊晴猶豫的答

「咁佢呢」九叔指著英叔再問





「唔識….」啊晴再次搖頭說

「仲有我，你都唔識」徐峰這時也加張嘴

「我….我點解要識你地？？你地係咩人啊？？」啊晴被突如其來的「審問」逼得眼角湧淚

「呃…九叔，到底發生咩事啊，不如有咩慢慢講啊」啊仁伸手撓著啊晴的肩膊

「啊仁，你諗清楚啲，霍蘊晴係跟住九叔英叔大㗎，點會唔識佢地啊？」原來啊烈一早已想通這點，只是不作聲而已

「嗄….咁…我….」啊晴的表情逐漸失控，驚恐的眼神左右亂掃

「同埋，你唔記得咗九叔上次講過霍蘊晴、霍映東死咗咩？」啊武也說出一句





「冇可能！霍蘊晴死咗….咁…咁我係….邊個！我有同爸爸生活嘅記憶㗎！有㗎…..」啊晴一句話時間裏由激動變成自我懷疑

「啊晴東仔死咗？！」徐峰聽到這震撼的消息也有一刻站不穩腳

「未….佢地兩個…未死」九叔閉起眼，不情願的說出事實

「下？！」眾人都驚訝

「九叔….到底係咩一回事」啊仁已搞不清楚狀況

「九叔…..」而葉靈則牢牢的盯著九叔看

「九哥，依咁多年嚟到底發生咗咩事..」徐峰也問九叔

「葉靈先係霍蘊晴….」九叔再道出一個真相





「…….」葉靈一直期待已久的答案終於出爐，但聽到答案的一刻她的世界又好像崩塌了一樣

她看著面前的這個「瘋子」有點難以接受是自己的親生父親

「你講大話！你講….如果佢係霍蘊晴，咁我係邊個啊？！我先係爸爸個女啊！」啊晴激動的說

「依個問題係我想問你，你係邊個」九叔不由分說的拿出了劍指著啊晴

「喂老野，冷靜啲，可能佢自己都唔知呢」英叔伸手搭著九叔的肩膊

「九叔！你唔好亂嚟！啊晴唔係衰人嚟㗎」啊仁果斷的擋在了啊晴面前

「咁你講啦，你到底係咩人？」英叔也好言勸說





「我….我咪霍蘊晴囉！！我會係邊個啊！係爸爸同我講㗎！我個名叫霍蘊晴！！」啊晴情況失控蹲在了地上，眼淚流不停，雙手按頭