［打鬥/靈幻/鬼怪］《輪迴。道》/《噬魂》我由古惑仔變咗做現代道士: 542《第二季》

「呃..九叔….你會唔會係搞錯咗啊」啊仁也是不知所措，只能無謂的一問

「啊仁啊，我同老野睇住妹頭大嘅，邊有得搞錯啊」英叔知道啊仁的無奈，但也不得不說

「…….」啊仁徬徨的看向啊晴，作為男友的他，看著自己女友崩潰，但什麼也做不到，自責萬分

「喂老野啊，佢咁樣唔似扮野啊，會唔會佢自己都唔知情」英叔勸說九叔放下對啊晴的敵意

「一日未知佢底蘊，一日都唔可以鬆懈」九叔卻說





「我唔係霍蘊晴…咁我係邊個，我唔係霍蘊晴咁我會係邊個…..邊個….」似乎九叔說的話真的給了啊晴很大的打擊

「哈..我…真係霍蘊晴…」而葉靈也是同樣，雖然她一早就在懷疑自己是霍鎮海的女兒，但到了被確認後所帶來的衝擊感還是不輕

九叔當然觀察到啊晴的情緒不像是裝出來的，所以九叔也心軟下來

「你，我唔知你係真傻定假懵，但係霍大哥意識清醒之前你都要留係到，啊仁負責睇住佢」

「多謝你九叔」啊仁跟九叔道謝，然後扶起了跪在地上的啊晴





「晴啊，冇事啦」啊仁正當扶起啊晴之際

「我唔係霍蘊晴！你行開！」啊晴卻一手推開了啊仁

「晴…你做咩啊」啊仁欲哭無淚的說

「我唔係…我係邊個….」啊晴又再次蹲下，將自己縮到牆邊的一角

「啊晴….」啊仁想再上前





「唔好」但徐峰阻止了啊仁

「做咩啊…..」啊仁只感無奈，覺得今天很不順利

「佢有啲唔妥」徐峰說

「峰仔，我地都睇得出佢有啲激動嘅，比啊仁去安慰下佢啦」英叔說

「唔係！係「佢」同我講唔多妥！」徐峰頸部抽搐了一下

「嘻！讓開！」徐峰的人格突然轉換，並在電光火石之間拔出了彎刀擋在了啊仁的面前

鏘！！！一道火花從啊仁的面前擦出

是啊晴突然出抓攻擊，跟彎刀擦出了火花，幸好有徐峰為啊仁擋了這一記，否則啊仁可能已倒地不起





「喂！啊仁！走開！」英叔從後一手把啊仁拉向後，令啊仁向摔得雙手按著地面坐下

「嗄…啊晴….」啊仁不敢相信剛剛發生的事

「啊仁起身先啦！」啊武啊烈拉起啊仁

「一早話佢有古怪」九叔提劍說

「會唔會變得有啲快啊」英叔也立刻拿著弓防備

「佢到底係咩人….點解可以留係…老..霍鎮海身邊咁耐」葉靈也站到英叔身旁

全場就只有霍鎮海依然呆著的坐在原位





「嗄….嗄…..」啊晴低下頭的面對著眾人

「啊晴你唔好再亂嚟啦」啊仁勸說

「你地全部都係衰人嚟，想拆散我同爸爸」啊晴喘著大氣，雙肩不斷起伏

「啊晴….唔係咁㗎，佢地冇惡意㗎」啊仁再說

但當到啊晴抬起頭時，在場的所有人包括啊仁都震驚得退後了一步

「晴….」啊仁不敢相信眼前的景象

「佢…對眼…」啊武、啊烈、葉靈第一次看到這情況，還不知道是什麼一回事

「同當年嗰個….」而當年參加過紅眼人一役的九叔一行人都頓時不敢輕舉妄動





皆因….啊晴的眼睛正是紅色