［打鬥/靈幻/鬼怪］《輪迴。道》/《噬魂》我由古惑仔變咗做現代道士: 540《第二季》

「如果依掌打中嘅係妹頭就難搞啦….骨肉相殘」英叔口快快的說了句

「咩殘話？」啊武不明所以的問

「哦，冇啊，咁妹頭瘦過𡃁仔咁多，中佢一掌肯定殘啦」英叔解釋

「有道理」啊武懵懂的點點頭

而九叔就在眼尾盯了英叔一眼，英叔只能尷尬一笑





「但依家啊航中咗霍大哥咁嘅一掌，情況應該唔樂觀」九叔說

「醫生話清咗積血同碎骨就冇事….都唔知點㗎」

「霍大哥功力深厚，佢係失智嘅情況下更加可能係用盡咗全力去打出依一掌，以啊航嘅體格，佢捱唔到…..」九叔心裏已作了最壞打算

「唔好諗得咁差先！或者𡃁仔好野，頂得順呢！」英叔則一如既往的樂觀積極

「係呢，啊武你同啊仁個女朋友熟唔熟㗎？」九叔突然轉了話題





「啊晴？我唔識㗎，我都係今日先第一次見佢」啊武也搖搖頭表示跟她不熟

「Auntie 你地坐陣先，係呢九叔，我有啲野問你」葉靈似乎聽到了九叔向啊武的提問

「九叔你唔係話霍蘊晴兩兄妹死咗㗎咩？咁依家係霍鎮海隔離嘅係邊個？」

「唔知」九叔簡單的答

「係喎！上次講過佢兩兄妹死咗㗎喎！」啊武也如夢初醒一般想了起來





「唉…今次仆街」英叔心裏想著，一手掩著了自己雙眼

「到底霍蘊晴係咪未死？定我….」

嗒！

手術室的燈熄了！

醫生從手街室內步出，護士亦在後把躺在床上的我推了出來

「邊位係陳天航嘅屋企人？」醫生脫下口罩向他們走近

「我地係啊醫生」姨丈扶啊姨上前

「醫生，我姨甥仔佢點啊」啊姨問醫生





「我地已經幫佢清理曬啲積血同碎骨，但手術嘅過程我地發現佢嘅內臟全部都有唔同程度嘅撕裂，即係類似我地平時所講嘅內傷，所以我地依家會送佢上去深切治療部留醫，佢麻醉完仲未醒，你地就聽日先嚟探佢啦，同埋我想問到底佢係點樣可以傷成咁㗎？」最醫生反問他們一個問題

「佢係比野撞到嘅….」啊武尷尬的說

「比野撞？比車撞？咁你地去咗警崗報咗案未？」

「比人撞….」葉靈接說

「比人撞？！嘩，我做咗咁多年醫生都係第一次聽比人撞會傷到咁」醫生聽到這理由時眼都瞪大了一倍

「係一個好肥嘅痴線佬嚟」葉靈再說

「嗯…好，唔緊要嘅，咁病人嘅家屬就跟護士去辦入院手續，其他朋友嘅咪可以幫病人買下日用品」說完後醫生就離去了





而啊姨向姨丈就跟護士去辦，葉靈他們則站在了原地

「咁依家點算好….」啊武問

「九叔，頭先我想….」

九叔提起手阻截了葉靈說話

「老野，算啦….都瞞唔到一世」英叔在九叔旁悄悄的說

九叔帶著猶豫的望了英叔一眼

「……..」

「呼…有咩問題，返到去再講」這句話，九叔是看著葉靈說的





「咁啊航…？」啊武問

「佢麻醉未過，我地係到都冇用，聽日再嚟睇佢」

踏！踏！踏！突然醫院走廊響起了一陣響亮的高跟鞋聲，葉靈眾望向聲源方向，好快便出現了一人，是洛兒…..

「嗄….嗄…肥仔呢？？！！」洛兒氣喘吁吁的問眾人

「佢….佢…推咗上咗深切治療部」啊武被洛兒的突然出現嚇了一跳

「深切治療….」洛兒聽見這詞後，眼神都像失了光

「洛兒啊，𡃁仔佢啱啱做完手術，係麻醉藥仲未過所以未醒」英叔打算說句過緩和一下洛兒的情緒





「點解肥仔出事你淨係通知姨姨！唔通知埋我！好彩姨姨有同我講姐！如果唔係肥仔真係有咩事我都唔知啊！」

但似乎洛兒沒有理會英叔的想法，更直接怪責啊武為何沒通知自己

「呃….我..冇講…因為…」啊武不懂處理洛兒的指責

「係我叫佢唔好講嘅」葉靈卻就在這時候承擔了責任