［打鬥/靈幻/鬼怪］《輪迴。道》/《噬魂》我由古惑仔變咗做現代道士: 539《第二季》

啊晴此話一出，徐峰也頓時感到事有蹊蹺，所以也再沒有出聲，只是靜靜的坐在霍鎮海旁邊看守著

而另一時間，醫院裏

「請問你地係咪陳天航先生嘅朋友啊？」一名護士拿著資料從手術室內走出

「係啊，我地係」啊武接話

「醫生判斷佢係肋骨斷裂，導致內出血，血塊壓住大半邊嘅肺部，同埋有碎骨刺穿咗氣管，所以會透唔到氣同嘔血，咁醫生依家會同佢做手術清咗啲積血同啲骨碎」





「你應該係佢女朋友，麻煩你幫手聯絡佢嘅屋企人」

「我唔…」護士說完後就轉身回到手術室內，毫無給予機會葉靈說話

「算啦，佢都係估下㗎姐，我打比洛兒同佢講聲，順便叫佢通知埋啊航啊姨」啊武拿出電話打算先通知洛兒

「唔好，佢未必想洛兒咁快知道，佢可能會怕洛兒擔心，等佢做完手術醒返先」葉靈伸手阻止正想打電話的啊武

「你都有道理！好彩我都有個死仔屋企電話，應該會有人聽」於是啊武改打另一個號碼





「喂你好，請問搵邊位？」接聽電話的就是我的啊姨

「你好啊，啊姨我係啊航嘅朋友啊武啊」啊武先打個招呼

「哦～我知我知！個衰仔有提起過你，你搵佢啊？佢唔係到喎」

「呃…唔係啊啊姨，我係想通知你，啊航佢入咗醫院，依家做緊手術」

「下？！佢..佢…佢做咩啊？！佢點啊？？」
啊姨聽到我出了事緊張得連手上的電話也差點掉下





「佢斷咗肋骨，醫生依家幫佢拎返啲碎骨出嚟，

「咁….咁我依家即係嚟醫院！」啊姨急急掛斷電話，匆忙的趕過來

手術室的燈持續亮著，正趕來的九叔英叔和啊姨還未到

手術室就只有葉靈啊武呆坐著

良久，啊武率先打開了話題

「啊航做完手術出嚟，你真係要好好多謝佢」

「佢真係好多事….我都冇叫過佢救」葉靈表現得像不耐煩，但實情是自責的表現





「哈，佢救你都唔係第一次㗎啦」啊武笑了一下

「……」葉靈沉默了數秒，再說

「我就係最憎佢咁多事！搞到好似我欠咗佢咁！」

「你覺得佢係咁諗咩？我就覺得佢係緊張你先會拎條命嚟救你啦」啊武又說了一句令葉靈語塞的話

「你…唔好亂講啊，一陣洛兒知道咗搞到佢兩個嘈交，到時唔好又話關我事啊…同埋你唔好以為淨係佢救過我，我都有搏命救過佢嘅」葉靈瞄了啊武一眼

「我好似有聽啊航講過」

「佢同洛兒係泰國玩，遇到個降頭師，比人落咗血化降變到面目全非，全靠我搏曬命救佢，佢依家先仲可以識行識走㗎咋」葉靈道出那次泰國的事

「唉～唔知你兩個啊，總之你兩個都好似前世欠咗大家咁」啊武將身體靠後靠著牆，閉眼頭仰天





「……..」葉靈無語，所以跟啊武一樣閉上眼睛沒說話

「佢地應該係前面啦」

「嗯？！英叔？」原來閉眼的二人馬上望向聲音的來源

的確，聲音傳來後數秒九叔英叔就出現在葉靈他們的眼簾，但特別的是啊姨和姨丈也跟他們在一塊

「啊航點啊？」啊姨一來到做焦慮的問

「斷咗肋骨，有啲積血同碎骨，醫生依家處理緊」啊武回答

「點解會咁㗎，佢因為咩事受傷啊」啊姨情緒有點激動





「呃….」啊武不知我有否跟啊姨說日常的事，所以一時半刻不知該怎說起

「Auntie ，唔好意思，啊航係因為救我所以整親」葉靈主動表示是自己的責任

「因為救你？係咩事啊」

「有個傻佬突然衝埋嚟我到，佢幫我擋住咗傻佬，所以就比個傻佬好大力咁撞咗一下，真係唔好意思」葉靈微微的向啊姨鞠了個躬

「呃…..唔..唔關你事嘅，個傻仔就係咁㗎啦….永遠都係諗咗人地先」啊姨收起了剛剛的激動轉為了慨嘆，大概是因為知道我是為了救人才受傷

而沒跟啊姨對上話的啊武就被九叔他們叫了過去理解情況

「啊航中嗰一掌重唔重？」」九叔凝重的問

「重啊…..好彩啊航擋咗依一下，如果唔係而家喺裏面嘅就係葉靈」啊武說