［打鬥/靈幻/鬼怪］《輪迴。道》/《噬魂》我由古惑仔變咗做現代道士: 387《第二季》

「陳警官，你係咪誤會咗啲野？」九叔冷靜的看着陳一

「誤你老味咩！唔好同我係到扮野」陳一雙手按在桌上，以高姿態面向九叔

「你請我返嚟係協助調查你負責嘅案件，而唔係拘捕我，請你搞清楚」九叔冷靜的態度跟陳一的暴躁形成強烈對比

「啊行！熄機」陳一指著一旁的攝影機

「陳sir …..咁…咁好似唔啱規矩喎」陳一的下屬啊行怯懦的說





「規你老母咩，叫你熄就熄啦」陳一差點就想給啊行一個巴掌

「係….」啊行也只能無奈聽令

「躝出去！」陳一怒指門口

口供房裏剩下陳一和九叔

「我同你講，好似你依啲咁嘅人我見唔少，表面清清白白，暗瓦底就黃賭毒樣樣齊」





「陳警官，雖然你年紀細過我，但你長期咁暴躁，要小心身體」九叔冷靜坐著，抬頭望向陳一

「你恐嚇我啊？！」陳一一手揪起九叔

「放手，唔好郁手郁腳」九叔眼神一秒變得銳利

「你..你以為我驚你啊！」陳一還是死揪著九叔的衣領

「依間房依家冇曬攝錄鏡頭？」九叔突然一問





「係啊！我殺咗你再掉落海都冇人知啊！」陳一提起一手，準備揮拳

「咁啱啦」九叔嘴角上揚

彎腰身體下墜，擺脫了陳一的手，右手握拳放在腰間，扭腰蹬腿！一記上勾揮出，拳頭簡直就像陷入陳一的肚皮一樣

「呃…..」陳一對突如其來的攻擊完全來不及反應

「喂….吾嗚」陳一本想大叫，吸引門外的下屬進來，九叔當然不會讓此事發生，他伸手捂住陳一的嘴巴，令他只能吾吾作聲

「陳警官，我奉勸你，做人唔好咁沙塵」這次換作九叔揪著陳一的衣領

九叔放手，陳一跪在地上雙手抱著肚皮，用頭頂著地面

「你…啊….」陳一疼痛難忍，用頭磨擦地面





九叔不急不忙的拉好椅子坐下，蹺起二郎腿

「陳警官，或者我講多次，我真係咩都唔知」

咔！！口供房的門突然被打開了



「陳….陳sir」陳一的手下打開門看到此等景象後，整個人呆了一秒

「陳sir ！」一秒過後他才反應過來

他先是蹲下查看陳一的情況，然後便從腰間拔出配槍指著九叔





「後生仔，淡定，唔洗手震」九叔即使面對槍嘴卻依然冷靜

「你唔好郁啊….」拿著槍的探員的確緊張得瑟瑟發抖

「你再震，支槍就走火」九叔站起

砰！！！果然被九叔說中，不出一秒間，槍火響起，子彈發出

槍響之間，九叔極快的側頭閃過擊出的子彈，然後一個箭步衝前，左手用手刀擊打警員的手背腕部，右手一下拍打，順勢搶過他手中的配槍

「你太唔冷靜，放低支槍先」九叔順走警槍便立刻放在口供桌上，免得警槍走火，那就水洗也不清

「嗄……嗄….」警員明明都沒太大動作，但也喘氣呼呼

「啊嘶…你..入嚟..想講咩㗎」久坐不起的陳一終於能說得出話





「嗄….有…有律師嚟…嗄….搵佢」警員說完這句話後，戰戰兢兢的從九叔身邊拿回配槍

九叔當然也沒阻止，讓他順利拿回

「你都幾把炮㗎喎，電話都冇打過，都有律師嚟搵你」陳一右手依然按著肚皮，眉頭亦是皺起

「你都識講，我電話都冇打過，又點知有人會嚟搵我」九叔一句反駁令陳一無言以對

叩！叩！叩！

「陳sir ，張九嘅律師係出面」一名警員敲門

「叫佢唔洗入嚟」陳一跟那警員說





「今次我鋤你唔入，你下次唔好衰係我手上，走！」陳一跟九叔四目交投的說

「再見」九叔只輕輕下一句就離開口供房




離開口供房，在警員帶領下我們終於見到九叔

「九叔」我們一起叫道

啊烈也在現場，律師也是啊烈帶來的，九叔走上前站到啊烈面前，瞇著眼睛看著他

「九叔啊，啊烈佢….」我正想開口時

「有咩返去先講」九叔便截斷我的話

陳一隨著就到