［打鬥/靈幻/鬼怪］《輪迴。道》/《噬魂》我由古惑仔變咗做現代道士: 388《第二季》

「你地幾個都幾大膽㗎喎，咁快就敢浦頭」陳一一來就針對著我們就

「陳sir ，我唔係幾明你講咩」啊烈也是見識這種場面，裝作無知是必須的，而進來前，啊烈的律師就叫我們三人千萬別說話，防止有什麼差錯

「繼續扮啦，唔好以為搵幾條水魚幫你地頂罪就冇事啊，我實有方法鋤死你地」陳一嘴上是說著針對我們，但實際他從頭到尾都只盯著九叔看

他已經將所有矛頭都指向九叔

「依位啊sir ，唔好意思，我請你收返啱啱嘅說話，如果唔係我有權告你誹謗以及恐嚇」律師站出，站在陳一的面前





「你幫啲咁嘅仆街做野，遲早砌你老母生豬肉」陳一火起

律師看向陳一胸前的委任證

「陳sir啊呵，其實我由入嚟警館嘅一刻，電話就開始錄音，同埋我身後嘅張生一直都有錄影」

陳一詫異的看向啊烈，啊烈指一指西裝外套的胸前袋

「陳sir 你咁上鏡，望住個鏡頭笑下」啊烈故意挑釁





陳一深呼吸一口氣，好讓自己冷靜下來，然後說出

「好，我收返啱啱我講嘅野」

「咁請問我可以帶我當時人走未？」律師問警員

「走啦走啦！」陳一不耐煩的揮手

「九叔，行啦」





陳一眼睜睜看著我們離開，心裏不是味兒

「屌！仆街！」陳一起腳把面前的椅子踢翻

我們一行人步出警局

「王律師，唔該曬你，有咩我再打比你」啊烈跟王律師握手

「唔洗咁客氣，咁我走先啦」王律師跟啊烈握完手後便回到自坐駕離去

「嗯….唔好意思」啊烈支支吾吾的說

九叔沒答理啊烈，轉身就離去

「九叔…你去邊啊」啊武處於尷尬的位置，想幫啊烈的同時又怕九叔不高興





「返去，你地係咪唔返」九叔這樣說，即是不怪責我們

「返啊！緊係返啦！」啊仁馬上跑到九叔身後

「即係點」啊烈看著我和啊武

「九叔咁樣即係冇事啊」我為啊烈解釋

「好，咁我返走先，有咩打比我」啊烈跟我們背道而馳

「你有咩都打比我啊！」啊武看著啊烈背影

啊烈沒回頭，但舉起了手擺出了拇指，啊武笑了





「點解你笑到好似溝緊女咁？其實你係咪….」我踏開一步，故意用疑惑的眼神看他

「痴線！！ 我絕對中意女人！我笑係因為覺得啊烈同啊焯真係好似，雖然我同啊烈同年紀，但我都想幫啊焯睇住佢」

「嗯！你真係好偉大，放心啦！你有咩事我都會幫你睇住個妹㗎啦」我帶著玩味的說

「你個死仔！又猴住我個妹！你都放心啊！！你有咩事我都會幫你睇住洛兒㗎！」啊武追著我來打

我當然提腿就跑！

「嘩！九叔！有人打人啊！哈哈哈」我笑著喊道

「我警告你地唔好搞我個妹啊！」啊武也是笑著

「哈！定啲嚟啊！啊航！我嚟幫你！」啊仁從後跳上啊武的背上





看上去就像Left 4 dead 裏的Jockey一樣

「哈哈哈！嘩！衝啊！」啊仁在啊武的背後大笑

「嗚嘩！！！衝啊！！」啊武則配合他並且繼續追著我

「唉～你班細路」九叔拿出香煙叼在唇邊，劃燃火柴點煙，慢步的跟著我們

……..

而此刻，我們都不知道自己分別被兩個神秘人觀看著







其中一個神秘人站在遠遠處的一棟高樓的天台上俯察我們

這人穿著一身紅西裝，內配黑馬甲白襯衫，雙手握著一支權杖撐在地上

另一位神秘人就沒那麼誇張，只是保持住一條街的距離觀察，而他就是曾在三破日出現救了我和啊仁的——閻三

天台上

「進度要快啲啦」神秘人用權杖篤一篤地，轉身想離去

「嗯？！」他猛然一個回頭！

他突然感覺到有人用幻術窺視自己，他走回天台的邊邊，眼睛不斷掃視地面，搜索目標

「哈，居然如此斗膽窺視朕，有趣」他已發現目標，雙腿微微一曲，一蹬

颯！！！