［打鬥/靈幻/鬼怪］《輪迴。道》/《噬魂》我由古惑仔變咗做現代道士: 386《第二季》

「嘩！！嘔…..」林家材一睜大眼睛就看到一具腐爛的浮屍躺在自己的面前，他頓時覺得嘔心反胃

九叔就趁現在將雙手食指點到林家材的後頸上

滋…..

「呃……」林家材被電的昏迷過去







「九仔，你啱啱去咗邊啊？」夢晞見林家材暈倒就直接問

九叔從衫袋中拿出一隻硬碟

「係閉路電視嘅硬碟，你袋住」將硬碟遞給夢晞

「我袋？」夢晞呆一呆

「以我同陳一咁僵嘅關係，林家材昏迷，我多數都要跟佢返去差館一轉，你拎最冇可疑」九叔解釋





「咁我應該點做啊？」夢晞再問

「燒咗佢」

「哦～好」夢晞乖巧的點頭

九叔用掌輕壓林家材的胃部，些少嘔吐物從他嘴角漏出，然後九叔再隨機拉出幾個冰格，營造出林家材是嘔心得接受不了而到暈倒的場面

咔咔咔….





九叔剛好拉出了啊烈的一格

「……..」啊烈尷尬的跟九叔對望

「唔好出聲，等」

呯！九叔說完就把冰格關上了

「你依家出去叫陳一入嚟」九叔吩咐夢晞



「好」夢晞照著辦

「陳sir 啊！你同事暈低咗喎」夢晞打開雪藏室的大門，呼叫陳一





陳一聞聲進來，他並沒有走遠，只是門外跟下屬交談

「搞咩啊？！」陳一看見暈倒在地的林家材，馬上將矛頭指向九叔

九叔輕輕舉起手，以示自己清白

「佢係自己睇到頂唔順暈咗㗎」夢晞說

陳一望一望被拉出的冰格，也擺出嘔心的表情，隨即也打消了懷疑九叔的念頭

「喂！搵人嚟抬走件廢柴！」陳一打開門呼叫出面的下屬

下屬按照指示進來把林家材抬走





「陳sir！CCTV冇曬紀錄，hard disk都冇咗」其中一名下屬跑過來跟陳一匯報

陳一馬上將目光投向九叔

「陳警官，你啱啱一直係門外面，我幾時有出過去？」九叔當然知道陳一的眼神是什麼意思

陳一沒有回答九叔

「你地call白車送條廢柴入醫院，同埋將所有有用嘅野帶返去」陳一再下指示

「Yes！sir！」

「仲有，帶埋佢返去」陳一指著九叔

九叔沒有太大反應，因為這一早已在他的預算之內





「…..」夢晞內心也驚嘆九叔的預判能力

九叔向夢晞打個眼色後便跟隨陳一他們離去，餘下夢晞一人在雪藏室內

夢晞等待一會，確認陳一他們真的遠離後便通知我們

叩！叩！

「可以出嚟啦」夢晞敲響冰格

咔….咔……咔…..咔…

「呼…再唔出嚟就凍死」啊仁雙手不斷摩擦手臂取暖





「九叔比陳一拉咗返去….」夢晞跟我說

「我聽到…但我地依家唔可以亂走」我對於連累九叔深感自責

這時，啊烈拿出電話

「全，班差佬見到你有冇懷疑你？」啊烈是致電給啊全

「冇啊，我應該仲未黃，佢地認我唔到」

「咁就得，你幫我安排啲野」這樣說，啊烈應該是想到什麼辦法

「好，你講」

「搵四個替死鬼」




「得，明白，我即刻安排」啊全馬上準備執行指令

「搵返身形外貌都似嘅，唔似同我搞到似為止」

「每人有三十萬安家費，另外，同佢地講，我用我張一烈個人頭擔保，佢地坐完出返嚟，我包佢地衣食無憂」啊烈提出極優厚的條件

「嗯….我依家即刻去搵」

啊烈掛掉電話後才發現我們全都把視線投放在他身上

「做咩？」啊烈一臉疑惑的表情

「每人三十萬….加埋一百二十萬…」啊武對這個數字有點不敢相信

「依個數都冇，點做大佬？」啊烈反問的語氣

好快，啊全就回電給啊烈，他已成功找到四個代罪羔羊，而且已帶着他們前往警局的路上

夢晞亦聽從九叔的話，將閉路電視的硬碟帶走並銷毀，能夠證明我們四人逃亡到此的證據也從此不復存在

九叔協助疑犯逃脫的嫌疑也因此而消除了，但陳一卻遲遲不肯放九叔

警局內，陳一拿著一大疊怒摔在九叔面前

「你仲夠膽同我講你地同黑社會冇關？！」

「嗯？」九叔還未知道啊烈找了代罪羔羊的事，所以滿臉不解

「你班𡃁啊！搵咗幾個替死鬼嚟自首啊！幾把炮啊，咁快有人幫你地頂罪，你知唔知做得多陰質野，會比天收㗎！！」