［打鬥/靈幻/鬼怪］《輪迴。道》/《噬魂》我由古惑仔變咗做現代道士: 334《第二季》

黑夜來到

九叔下班回到家中，葉靈和英叔亦已一早回到

「九叔返嚟啦」葉靈說

「嗯」九叔點頭

「妹頭啊，佢緊係返嚟啦，唔通出去咩」英叔又說一些老牌冷笑話





「咁我聽日轉過第二句啦」葉靈笑著搖頭

「嗯～乖啦，我幾時都話妹頭你最乖」英叔欣慰的點頭

九叔則暗暗反了白眼，他放好鞋後，坐到沙發上，拿出手機，按下號碼，但遲遲未撥通，在思考著

「搞咩？拎住部電話發吽哣」英叔留意九叔的動作

「有個麻煩嘅電話要打」





「有幾麻煩啊，我幫你打」英叔突然一手搶過電話，撥通了

「喂！」九叔也來不及反應

英叔拿著電話，等待接通

通了！

「喂，張老九，咩事要你老人家搵我啊」





英叔聽到電話裏頭的聲音後，瞪大雙眼，驚訝的看著九叔

「…….」九叔無聲嘆氣，接過電話

「莫盡」九叔說出一個名字

「張老九有咩事你就講啦，我聽緊㗎」

「你同你啲弟子到底做緊咩？」九叔直入重點

「做緊咩？依個時候我就食緊飯，佢地我就唔知啦」

「我講緊拳賽作弊呢」

「嗯？我唔係好明你講咩，張老九咁耐冇見，你係咪有啲咩誤會啊」





「我徒弟今日比人落咒，搞到痴痴呆呆，嗰個人著住紅黑色長外套，用嘅係你地南陽嘅心法，你估會唔會係你啲弟子做」

「哎啊！九啊！你收徒弟啊？世界變啦」

「重點？」

「嗱！我真係唔知情㗎，我幫你查下啦～如果真係我啲人做嘅，我一定話返你知」

「最好」

「就咁啦～」

電話掛斷





「你收咗徒弟咩？！我唔知嘅！」英叔質問九叔

「咩都要講你知？」九叔不以為然的說

「你個徒弟點㗎」英叔再問

「兩個」九叔拿起桌面上的茶壺，倒一杯茶

「兩個添？！」英叔驚訝

「超！平時又話乜乜乜，死都唔收徒弟啊，依家一收就收兩個」英叔揶揄九叔

「我係掌門，我中意點就點，邊個管到我？」九叔傲慢的說

「掌門？你係代！！㗎咋…..」英叔的聲浪由大轉細





九叔盯了英叔一眼，放下茶杯

「嗯…..」英叔知道自己說錯話了

「英叔啊！幫我去雪櫃拎兩個蕃茄啊，我隻手污糟啊」葉靈從廚房裏大叫

「嚟！幫緊你幫緊你！」英叔馬上跑往廚房

剩下九叔一人在沙發上

「叻女！」英叔讚葉靈

「英叔啊….你明知九叔會唔開心，你仲亂講野」





「我邊有亂講野姐，真話嚟㗎嘛，不過係唔應該講姐…」

「你知就好啦，一陣食飯個陣夾多兩舊餸比佢，唔好同佢鬥嘴啦」葉靈說

「唉啊…我盡量啦…」英叔不情不願的答應

「你係先好講啊」

「哎呀…得啦，衰妹，成個我啊媽咁」

「我做到你啊媽就神奇啦」葉靈笑說

英叔一直躲在廚房，直至葉靈把所有餸菜都煮好才一起出來

「九叔，食飯啦」葉靈捧著餸菜

「嗯」九叔閉目，蹺起雙手

葉靈用手踭撞一撞英叔，示意叫英叔去叫九叔吃飯

「下？！我？」英叔輕聲的說

「唔洗，我過嚟」九叔聽到的

「呃…..好啊，食飯」英叔坐下

三人坐下，聚在餐桌上

「九叔食飯、英叔食飯」葉靈拿起碗筷

「嗯」

「食飯啦」

吃到一半，葉靈見氣氛尷尬，於是出聲緩和一下氣氛

「九叔啊，你個兩徒弟係咩人嚟㗎」

「係殮房做助理」九叔簡單回答

「但之前殮房請過咁多後生仔，點解淨係佢兩個會比你揀中？」葉靈追問

「佢地返工冇耐就遇上三破日，個日我要趕過嚟救你，掉低咗佢地係殮房，殮房七國咁亂，佢地都冇事，冇驚到辭職，已經同之前個班𡃁仔唔同」

「同埋，佢兩個，天份好高」

「嘩，係你把口讚人天份高啊？搞到我都想見下佢地」英叔搭嘴