［打鬥/靈幻/鬼怪］《輪迴。道》/《噬魂》我由古惑仔變咗做現代道士: 335《第二季》

「搵日叫佢地上嚟食餐飯」

「好啊，等我依個師伯過下眼」英叔帶點期待

九叔看著葉靈

「做咩望住我？」葉靈留意到九叔的眼神

「冇，食飯」九叔淡淡一笑





「嗯…九叔你笑？咁一定有啲野」

「遲下你就自然會知」九叔不願透露

「咁搞到我更加想知咩事…..」葉靈無奈，但奈何她也「打不開」九叔的嘴

「我係有啲野想講」九叔放下碗筷

「有咩講要放低曬啲野啊」英叔問





「係囉…好似突然咁嚴肅」葉靈也放下了碗筷

「閻三….返咗嚟」

「下？！返咗嚟？！」英叔聽到這消息十分震驚

「閻三？邊個係閻三？」葉靈則不知道閻三是誰

「閻三，人稱閻三爺，曾經係「四力」之一」





「四力？又係咩啊？」葉靈還是不懂

「你後生，唔識係正常」

「佢地係咩人嚟㗎，點解我完全未聽過」葉靈一臉疑惑

「當年我地四派都各自出咗一個能力最高嘅弟子，佢地都各有各本領，之後比人稱為四力

四力分別係：

神力霍鎮海——霍老大

怪力葉夜——破月

鬼力閻三——閻王/閻三爺





靈力徐峰——刀瘋 」

「神力…怪力….你又話佢地係四派嘅人，咁點解佢地嘅姓氏唔係跟返派別個姓？」葉靈愈聽愈迷茫

「佢地已經超越咗整個派別，當時嘅掌門就容許佢地用返本身嘅姓氏，所以佢地都用返自己嘅祖姓，除咗東道派嘅葉夜」

「葉夜…我好似聽過依個名」葉靈嘗試在腦海中回想

九叔跟英叔相視一眼

「啊！妹頭你係咪想知佢地四力係點㗎呢？」英叔說話，截停了葉靈的思緒

「嗯，係啊」葉靈點頭





「神力，會叫做神力係因為霍鎮海嘅道行高到比人話佢足以媲美神，我都親眼見過霍鎮海，佢嘅功力的確係高到前無古人後無來者」九叔先作解說

「咁佢係邊個派別㗎？」葉靈問

「佢係西樓派嘅人」

「嗱！之後就係鬼力閻三啦，佢係我地北門嘅人，亦都係原來….嗯….」英叔看一看九叔

收起本來想說的話

「而佢之所以會叫鬼力呢，係因為佢隻右手天生有收伏鬼魂嘅能力，而且仲可以將吸返嚟嘅力量據為己有，簡直係實力超班啊」

「咁佢咪唔洗修煉？不斷去嚟啲孤魂野鬼咪得囉」葉靈說

「你要身體儲存到愈大嘅力量，你身體就要愈強大，所以閻三不斷將自己身體推向人類嘅顛峰」九叔接著回答





「但就係因為佢咁樣做啊，逼到自己走火入魔，內心比體內孤魂嘅邪念吞噬，變到瘋瘋癲癲咁」英叔又接著九叔的話

「即係佢練功練到痴咗線？」葉靈問

「差唔多啦」英叔點頭戚眉說道

「而靈力就應該唔需要特別解釋，刀瘋係南陽一等一嘅靈力、武器高手，我諗就算我體力最顛峰，用劍最快嘅時候都唔係對手」

九叔用自己作例子，葉靈瞬間明白刀瘋的厲害

「嘩….有啲誇張，咁佢地幾個咁犀利，點解依家銷聲匿跡嘅？」

「佢地經歷咗一次大事之後，就沈寂於塵世，不問世事」九叔說





「係咩大事啊？」葉靈好奇

「下次再講，食飯先」九叔重新拿起碗筷

「下？！講到一半….」葉靈感到急躁又失望

「係囉，食飯先啦，凍曬唔好食㗎」英叔附和九叔

「英叔啊…連你都咁，嬲啊！」葉靈拿起飯碗，不看英叔

「又係你叫我順佢意嘅！」英叔目瞪口呆

葉靈偷偷一笑，九叔搖搖頭繼續吃飯


時間來到前一點點….

九叔和莫盡掛電話的一刻

「嗱！我真係唔知情㗎，我幫你查下啦～如果真係我啲人做嘅，我一定話返你知」

「最好」

「就咁啦～」莫盡笑著掛電

但電話一掛斷，他的笑容瞬間消失了，低下頭，面色沈重

「你話依家點算」

原來，他腳下踩住今天在拳賽作法的那個南陽術士

莫盡用腳踩住那人的嘴巴，讓他出不了聲，同時也把他的牙踩掉了，血水在縫隙中滲出

非常慘烈

「依家依樣生意比你一個人破壞曬，你自己話點算」莫盡腳依舊踩在那人嘴巴上，更用他的頭借力蹲下，加施更大壓力

「嗚！！！！」