［打鬥/靈幻/鬼怪］《輪迴。道》/《噬魂》我由古惑仔變咗做現代道士: 333《第二季》

「喂！」我和啊仁立即追上去

那男人跳到一樓中庭用來攔住雜物掉下的掛網，從一樓逃走了

「個邊落！」啊仁指著扶手梯的方向

「唔洗追，由佢」九叔雙手放在腰後

「唔捉住佢問清楚？」





「我今晚會打比南陽個掌門，睇下佢點講」

「九叔，你真係知佢係南陽派嘅人？」

「我本來係估，依家咪知」九叔冷笑一下

「咁依家我地應該點啊？」我問九叔

「你依排出入自己小心」九叔提醒我





「啊航你咩事啊？」

是啊武的聲音

「武？！…點解你係到嘅」我驚訝的問他

「佢地班友話啊安入咗醫院，佢地冇咩心情食飯，話改第二日，咁我咪自己一個周圍行下」

「唔好講啦住，我啱啱聽到話你出入要小心啲，係咪發生咗咩事？」啊武仍然在追問





「哦，佢啱啱唔小心撞到啲古惑仔，啲古惑仔又唔夠九叔打，走陣個陣話會搵啊航，咁我地咪叫佢小心啲囉」啊仁隨便幫我找了個藉口

「你就係九叔啊？幸會啊」啊武主動上前跟九叔握手

「你識我？」九叔一臉疑惑

「識啊！佢地成日講起你㗎」

「哦？佢地會講咩」九叔問

「幾講咗幾野㗎，例如話你好惡，又成日打佢地，又比好多野佢地做」

「啊武你….」

啊武說到這話題，我和啊仁馬上轉過身，行遠幾步，避開這話題





「嗯，你兩個，聽日記得準時返工，我有好多野比你地做」九叔看著我倆微笑

啊……

認識九叔的這段時間，都沒有看過他這個表情，一看就知道是笑裏藏刀

「我有不祥預兆…」

「唉….」

「九叔，佢地話你好打得！真係想同你過兩招啊」啊武果真是一個武痴

「好，搵機會」九叔也不好拒絕，只好敷衍了事





「你地冇事，咁我返去殮房」九叔這樣說下一句就離開了

「係啦啊航，你話撞到啲古惑仔驚比人搞，我可以幫你同啊焯講聲，叫佢幫手傾傾喎」

「呃…..唔洗啦，應該冇事嘅」我尷尬的回答，根本就沒有此事，叫焯哥也沒用

「係囉，唔好麻煩焯哥啦」啊仁附和我

「但你得罪啲古惑仔喎，隨時搵人搞你，一係依幾日我搒住你出入？應該冇返六、七個人都埋唔到我身」啊武按表現得十分熱情

「呃…唔洗啦，要麻煩你」我嘗試拒絕

「唔洗唔好意思啦，就咁話啦」但啊武沒有讓我拒絕的選擇的打算

「呃….」我正想再拒絕多一次時





「都好嘅，啊武咁好打」啊仁卻突然當起豬隊友….

「好！就咁話啦，依幾日等我做你保鑣啦，聽日見」啊武也離開了

「喂….」我想叫停啊武也沒用了

我盯著啊仁

「做咩姐？我幫緊你啊」啊仁說

「做咩拉啊武落水姐，佢咩都唔知㗎嘛」我無奈的說

「佢咁好打，可能真係頂得住南陽派啲人呢，九叔都冇可能一日廿四小時睇住你㗎」





「咁….」

「定你覺得自己可以應付？」啊仁再問我

「呃…咁又冇可能」我無奈認命

「咪睇下依幾日點先囉，你加埋啊武應該冇問題嘅」

「唉….望就望南陽啲人唔好搵上門啦…」