［打鬥/靈幻/鬼怪］《輪迴。道》/《噬魂》我由古惑仔變咗做現代道士: 332《第二季》

《九叔視覺》

「嘩…咩嚟㗎？咩事啊」啊仁驚訝的看著啊航

「扶住佢先」

我打開那張符紙，綠光的源頭是一粒晶石，我將它拿起

「孤魂石…」





「九叔….你嚟咗啦」啊航開始回復自我意識

「嗯，記唔記得啱啱發生咩事？」我問啊航

「記得…..我覺得啱啱上一場個拳手有啲古怪，佢對眼會滲啲綠光出嚟，之後我又見到有個神神祕祕嘅人拉走佢，咁我咪跟出去」

「跟住呢」

「跟住我就見到個神秘男人拍個拳手背脊，個拳手就嘔咗粒好似咁嘅野出嚟」啊航指著我手上的符紙」





「我見有啲唔妥咪打比你，點知比佢發現咗，就塞咗粒野落我個口……之後，我就咩都唔記得啦」

「神秘人….你見唔見到佢咩樣？」我問

「見唔到啊，但佢著住紅黑色嘅長外套，好易認」

啊航一說紅黑的長外套，我只想到一樣事情

南陽派





「你地要小心，尤其係你」我指住啊航

「我？」

「嗯，你見到佢作法落咒，佢一定會再向你落手，佢會向你落咒令到你變痴呆只係佢有其他野做唔得閒處理你」

「下？！咁我應該點啊？」啊航驚訝的問

「你只要繼續扮到好似啱啱痴痴呆呆咁，引佢出動」

「啊仁，你陪住啊航」

「好！」啊仁點頭

「巴打，有我搒住你，唔洗驚啊」啊仁搭著啊航的肩膀





啊航笑了，用拳頭輕輕打在啊仁的胸口

……..

全日的拳賽結束，各個拳館的人都開始相繼離地去

「啊航，你地點啊？一唔一齊食飯？」啊武問啊航

「啊….飯…」啊航要扮在呆呆滯滯，所以沒有正常回答他

「呃….我地唔食啦，下次啊，佢好似有啲唔舒服」啊仁幫啊航解釋

「好啊，咁拳館見，我地行先啦」





啊武等人也離去

而我正潛藏在隱閉的地方，靜觀其變，北河街街市逐漸變得冷清

叮…..叮….叮，電話響起，是啊仁

「九叔啊，我地依家應該點？」

「依家走，要好似若無其事咁，我會跟住你地」

「好」

啊仁扶著「痴呆」的啊航在擠迫的深水埗遊走，慢慢走往了西九龍中心，沿著扶手梯，上到五樓的蘋果商場

「條友到底會唔會嚟㗎」啊仁悄悄的跟我說





「我都唔知啊….我寧願佢快啲出嚟」啊航緊張的說

「下？點解啊」

「佢依家出嚟有九叔係到啊嘛，如果佢遲啲先嚟搵我，得我自己一個咪死…」

「啱，你啱，咁你求神拜佛佢快啲出嚟啦」

「呃….嚟咗啦」啊航雙大瞪大，但又不敢有太大動作

紅黑長外套的男人突然出現在他們倆的前面，啊仁故作鎮定，當作不知道神秘人的事情，而啊航就繼續扮痴呆

二人繼前行，跟神秘人的距離愈漸縮少，神秘人不為所動，直至跟他們二人只剩下一步的距離時，他突然邁出步伐，跟二人擦肩而過





「呼…」多行幾步，二人回頭望去，發現神秘人已不見蹤影感覺鬆一口氣

「搵你好耐啦」但突然聲音從他們前方傳來

「呃…..」

神秘人提起發著紅光的掌，想向二人施襲

「再見啦」神秘人揮掌

「唔洗咁快講再見」我及時出現，拉著神秘人的手

「？！」神秘人驚訝

「好彩有你啊九叔…..」

神秘人掙開我的手，向我出拳，我橫踏一步，提高手，將他出拳的手用手臂夾著，然後將他的手反到他後背，把他拉到少人的一邊

「南陽派你嚟做咩？」九叔直接開問

「我唔知你講咩」神秘人不斷掙扎，但並沒有作用

「南陽？你係南陽派嘅人？！」

「九叔你點解覺得佢係南陽派嘅人？」

「只有南陽先會做依啲咁唔見得光嘅事」我嚴肅的說

「你唔好講到自己好清高咁啦！死老野！人不為己 天誅地滅啊」神秘人向後踢一腳，九叔一時沒為意被踢中後退

神秘人馬上推開啊航他們，然後直接從跨過欄杆，從中庭跳下

逃走了

《九叔視覺》完