［打鬥/靈幻/鬼怪］《輪迴。道》/《噬魂》我由古惑仔變咗做現代道士: 331《第二季》

《九叔視覺》


「航？咩事？係咪有事」

我接到啊航莫名其妙的電話，他一定知道我在殮房工作，加上他放假，不會打來就是告訴他的位置，難道他不怕我罵他嗎

所以北河街一定有事發生

「我要出去一陣，一陣主管嚟嘅話，你同佢講話我有緊要事出咗去」我跟同事交代一聲就換去制服，趕往北河街





我再撥回啊航的電話已無人接聽，我只好撥啊仁的電話

「喂，九叔？做咩啊？」啊仁問我

「啊航係唔係你身邊？」我直接問他

「啊航啊，啱啱係啊，但佢行開咗唔知去邊喎」

「咁…」總不能叫啊仁自己去找啊航，如果有危險，他也是應付不來





「啊，佢返嚟啦」

「你睇實佢，我嚟緊」

「喂！啊航！九叔搵你啊」啊仁卻沒頭沒腦直接叫向啊航…..

「哦….叫我？」啊航呆呆滯滯的

啊航接過電話





「喂」

「航，你點樣？」我試探的問

「嗯？冇野啊」他回答

「咁仲洗唔洗搵我？」

「搵你？我冇啊」

「你比返啊仁聽」我平淡的說

「佢搵你」啊航將電話遞給啊仁





「點啊九叔？到底咩事啊？神神祕祕咁」啊仁問我

「總之無論如何同我睇實啊航，唔好比佢離開你視線範圍，我就到」

「喂！喂！九叔，點解啊？」啊仁追問

「總之睇實佢」說完我就掛斷電話

我坐著那輛的士已看到西九龍中心，轉個彎就到北河街街市

會場內

「又會咁都有嘅….奇怪」啊仁摸不著頭腦

只好跟著我說的話去做





「死仔！九叔叫你唔好離開我視線範圍啊，你唔好行開啊，明明比賽好緊張㗎嘛！搞到我錯過曬！！」啊仁一邊拉著啊航的衣服，一邊重新投入觀看比賽



這時，台上的戰況激烈

啊航的師兄——梁安和修羅場的黃驛說打得平分秋色

梁安打出一套組合拳，先是一拳前直拳，後重拳

黃驛說用手擋住，但梁安還有一拳！左勾拳！

呯！！正中黃驛說的面頰





「打得好！！」他們台邊的師父啊武讚揚梁安

但黃驛說也不甘示弱，中拳後馬上揮出一拳上勾拳，黃驛說和梁安各自退後一步

「嗄…都三round 啦，睇嚟今日…都係平手多㗎啦」梁安喘著氣笑說

「哈…未到最後…嗄…都未知」黃驛說卻像留有一手的說

這時，紅黑長外套的那神秘人帶著李天霖回到會場，他一進來就看到呆滯的啊航，他輕輕一笑便走回修羅場的繩角下

「哎呀！大師你去咗邊啊，就夠鐘啦」修羅場的教練緊張的捉著那神秘人

「唔洗咁緊張」神秘人作出一個手印，口中唸出咒語

台上的黃驛安馬上充滿力量一樣，停止了氣喘，青筋浮現，梁安也嚇了一跳





神秘人將手印轉成扼拳，黃驛說馬上出擊，突然衝前！跳起一個重拳

梁安舉起雙手，前臂合拼，像盾牌一樣擋在頭上

嘭！！但效果未如梁安所想，黃驛說這一拳極重，就算梁安成功擋住了也將他整個擊倒在地

「嘩….咩事啊，啲拳突然咁重嘅…」梁安看一看雙手，前臂上已多了一個紅印

「唔好同佢硬碰！就夠鐘！搵到位先入！」啊武提醒梁安

而這時，我亦已到達北河街市政大樓，我一踏進大樓

「有人作法」我瞇起眼說

我乘電梯上到六樓，只聽到一陣嘈雜的歡呼聲

我循著歡呼聲走入，第一眼就看到啊仁和呆滯的啊航，他們正圍著一個暈倒的人，應該是參賽者，而且被擊倒了

「啊仁」我走近他們

「九叔，你真係過嚟㗎？你唔係返緊工咩？」啊仁問我

「你望下佢」我指著啊航

「佢咪呆下呆下咁囉」

我看著啊航，他雙目無神，魂魄被人用法壓住了，令他痴痴呆呆

我用手指在掌心畫出一道符咒，繼而拍在啊航的後背上

「咳…咳咳…咳！！」啊航馬上咳嗽，然後從口中吐出了一團符球，一團滲著綠光的符球