［打鬥/靈幻/鬼怪］《輪迴。道》/《噬魂》我由古惑仔變咗做現代道士: 322《第二季》

《九叔視覺》

十八歲的那年

我有事要找師父，所以進入道館內

「師父」我叫

呯！一粒碎石擊中師父的後腦，師兄突然從旁把一堆碎石塞到我手中





「喂….你做咩…」這時我還未來得及反應，石是師兄掉的

「係邊個做？！」師父轉身

第一眼就看著滿手碎石的我

「係咪你啊九仔」師父瞇著眼看我

「我…」我無奈的看著手上的石頭，沒說話





「係啊，師父！係啊九做㗎」師兄還要在旁多踩一腳

咔…..

但這時，師兄道袍裏掉下了一粒石頭

「仆你個街啊….仲有嘅」師兄輕聲抱怨

「啊英！九仔！你兩個係咪唔洗做野？！唔洗練功！！咁得閒玩依啲無聊野！」師父大發雷霆





我和師兄同時看著前方的抹布，開跑！！

我將手上的石向師兄的腳擲去

「嘩！」師兄被繁多的碎石絆到

嘭！！趴在地上

「啊嘶…..」

我成功拿到抹布

「我去抹下啲神主牌！」

「死仔…咁我點啊！」師父走到師兄面前





「哈…師父早晨啊」

師父沒說話，看著師兄

「啊！師父！你聽唔聽到啊？」

「嗯？」

「有師弟叫我啊！我出去睇下先」師兄借機逃跑了

「你兩隻野」師父搖頭，走向中庭

………





歷史就是如此相似

九叔笑著回到辦公室，啊仁看到又跑離現場，去到我身邊

「死仔！搶我塊布？！」啊仁打我一拳

「緊係先到先得㗎啦」我笑說

「咁今晚係咪去試下打拳啊？」啊仁問我

「係啊，一陣放飯我打比個朋友講聲」我說

「好」

最後，我約了啊仁八點鐘在葵芳地鐵站等，一起前往啊武的拳館位於金龍工業中心，地鐵站行過去十分近





「啊武！」我先打招呼

「喂！咁準時啊」啊武過來招呼我們

「依個我朋友——啊仁」我為他介紹

「你好」啊仁點頭

「你好，叫我啊武得㗎啦，你地入嚟先，教下你地紮手帶」啊武帶我們到更衣室換衣服，又為我們簡介一下設備

「依家教你地紮拳帶先，拳帶最大嘅功能在就係在於保護我地嘅指骨、腕骨同埋手部韌帶，所以一定要學好綁拳帶，好好保護自己雙手」

「好啦，綁完就過嚟鏡依邊」





啊武把我們帶到一道鏡牆面前

「第一堂，我就教咗步法先，最基本嘅野嚟，你地應該冇人係左拗㗎嘛？」 啊武問

「我唔係」我答

「我都唔係」啊仁答

「非常好啊」

「嗱！首先我地扼實個拳頭，之後將隻左手舉高到嘴同鼻之間左右嘅位置，右手放係面頰，然後兩隻腳踭都唔好貼實曬個地下，要靈活咁郁到嘅，彈下彈下咁，好似我咁」啊武為我們示範動作

「你地試下做，對住塊鏡做，你地就會見到自己做錯嘅地方」

我和啊仁開始試著做

「航，你對手要高少少，對打個陣，對手你用嚟保護我地頭部，所以唔可以放低」啊武從邊指導我，指出我需改善的地方

「啊仁啲動作幾好，keep住！」

「好！」

約莫一小時後

「好，我依家再教多少少，直拳」

「前手直拳，首先，扭腰，後腳蹬直，順勢前手出拳」

啊武再次為我們示範

我們對著鏡練習，一練就是兩個小時

「好啦，今日差唔多啦」啊武叫停我們