［打鬥/靈幻/鬼怪］《輪迴。道》/《噬魂》我由古惑仔變咗做現代道士: 323《第二季》

「終於可以停啦…」

「好攰啊」

我和啊仁都軟坐在地

「有冇咁誇張啊，今日個啲基本功嚟㗎咋」啊武雙手叉腰說

「我地點同你啊」我笑說





「其實冇唔同啊，你地努力啲嘅話都可以㗎」

「我都想好似你咁大隻啊」啊仁用羨慕的眼光看著啊武

「我？我嫌自己唔夠大隻添啊」啊武捏著自己的手臂

「仲大隻啲？！想打死人咩？！」我說

「不過你咁高，大隻啲都唔怕」啊仁輕輕抬頭看著啊武





其實啊仁也不算矮，也有180，只是啊武比他還要高出8cm，所以看上去，啊武就像巨人一樣

如是者，我和啊仁多了一個共同興趣——打拳

時間一天一天過去，我和啊仁身體都變得強壯起來，動作也變得利索

「你兩隻野依排做過咩嚟，唔同咗」九叔終於發現我和啊仁的轉變

我們之前一直沒告訴九叔，我們去了學泰拳，希望學有所成才跟他說





「其實依排我地去咗學打拳，希望操fit啲自己」

「成效好似唔錯」九叔看著我們點頭

「我地依家應該幾打得㗎」

「係？」

九叔對著我們輕輕一笑，不知他想做什麼

九叔一步一步逼近我們

「九叔…你做咩啊？」

「咩事…冷靜啲！冷靜啲啊！！九叔」





我倆感到不祥的預兆，不斷向後退

「等我試下你地有幾好打」

九叔突然出手，拳揮到我面前

「嘩！！」我雙手高舉護頭

但九叔的拳突然改變軌道，轉向我的肚皮

呯！！

「嗚啊….點解係肚」我雙手抱著肚蹲下來，我明明看到拳是向頭打去的….





九叔轉身一腳旋轉後踢，腳飛快的踢向啊仁，啊仁吸取到我剛剛我的經驗，沒舉高手去擋，打算直接彎下腰去閃過

他向後一彎，的確避過第一下的踢擊，但九叔的身手不是說笑，他見啊仁躲過了踢擊

馬上將身體的重心轉移，把原本起踢的腳下壓，腳最終還是重重的壓到啊仁胸口上

嘭！！

「啊嘶…..」啊仁被踢得坐在地

「好打？連我依個啊叔都打唔贏」九叔蹺起雙手

「嗄….點同啊九叔，你係北門派掌門…」

「係囉…點夠你打啊」





「你地咁諗就唔得，如果我成世係掌門就諗住成世都唔夠我打？」九叔尖銳的問題，直擊我們

「你地應該以打贏我為目標，咁先會有進步」九叔拿開鐵架，坐下

「打拳…練好啲身手都啱嘅，以後，你地每隔一個星期要同我打一次」九叔「語出驚我們」

「下？！」

「唔好啦九叔…..」

叩！叩！叩！敲門聲響起

「九仔，你做咩係到蝦人啊？」是呂醫生的聲，她探頭進來，但沒穿住「全副武裝」的她，我還是第一次見





看得我和啊仁都呆了

「唔該，你兩個收斂下」九叔看到我們的表情

「你地未見過呂醫生咩？」

「見過…但每次都係「全副武裝」咁」

「真樣都係第一次咋」

「Hi～我都係第一次見你地真樣咋」呂醫生向我們揮手

「Hello」

「同想像中好唔同…」我衝口而出

「下？！係咪比想像中醜樣啊」呂醫生雙手放在臉上

「呃…..下？！唔係啊！係比想像中靚啊」

說真的，我想像中的呂醫生是那種讀書很厲害但是呆呆的，不懂打扮的女生，完全沒想過，會是一個美女，留著長長啡髮，綁著鬢辮，眼大又圓

誰會想到法醫會有這樣的美貌啊

「唔洗咁緊張喎～我同你講笑咋」呂醫生笑說

「嗯～咁你兩個都比我想像中靚仔嘅，陳天航，張仁」

「你知我地個名？」啊仁問

「我緊係知啦」呂醫生點頭

「咁唔得，唔公平」