［打鬥/靈幻/鬼怪］《輪迴。道》/《噬魂》我由古惑仔變咗做現代道士: 318《第二季》

「肥仔！我地去玩動感快車啦！」洛兒拖著我的手奔往那巨大的小丑頭

「行慢啲啦，小心扑親啊」我搖頭笑說，看著洛兒就像看著小朋友一樣

誰知我這樣一說，真的成真了

洛兒真的自己左腳絆右腳，快跌到了，我腦海閃過一個動作，我身體就不自主去完成這動作，我成功接住了快絆倒的洛兒

「嘩！你幾時身手咁好㗎？！」洛兒驚訝





「呃…我身手不嬲都咁好㗎啦」不要說洛兒，我自己也嚇一跳了，剛剛那一連串的動作都不是我自發去做的，像是身體自行決定一樣

「算吧啦你～你平時連運動都唔多做啊！仲話身手好」洛兒推我的臉

「唓！平時我唔發揮我嘅實力咋！」

「係啦係啦！最叻係你啦～扮曬野」

今天是平日，海洋公園裏沒有太多遊客 ，我跟洛兒排了十分鐘左右就輪到我們坐上過山車，比起以往要排大半個小時或一個小時快得要多





「嘩鳴～好緊張啊！！」洛兒雙手拍著過山車的安全欄

「又唔係第一次玩～有咩咁緊張啊，傻妹」我在旁冷靜的說

「咁玩依啲係要興奮啲先好玩㗎嘛！我唔理啊！！一陣我要你陪我嗌啊！！」洛兒捉著我的手

「好好好」

隆….隆….隆，過山車開動





「開車啦！！」

「啊！！！！！」

咔…….咔….咔…咔咔咔咔，開始慢駛上斜，準備一輪衝刺

「準備啦！！肥仔！！」洛兒高舉雙手

「係啦～知啦～」

咻！！！

「嘩鳴！！！！正啊！！」

「啊！！！！」我配合洛兒，一起大叫





在過山車準備三百六十度轉時，我看到地面有五個人正在看著我們，那五人正是段天一行人

但在過山車轉完後，他們已消失不見，是我眼花了嗎？….



之後我全程過山車基本都看着地面，搜尋他們的蹤跡

直至過山車停下來

「喂！你搞咩啊？神不守舍咁嘅？唔舒服啊？」洛兒發現我的分神

「下？！冇啊」我否認





「好似突然有啲攰姐」我隨便說說

「唔舒服？洗唔洗早啲返去啊？」洛兒緊張的問我

「唔洗！我冇事，不如我地去坐摩天輪，靜靜地坐下」

「好啊！」洛兒以為我不舒服，一直扶著我

坐上摩天輪後，我閉上眼，讓自己別去想段天那幾人，我今天出來是要好好的跟洛兒遊玩

但我愈是不想面對，腦海就愈是不斷閃過一些奇怪而又零碎的片段

我看到….

卡啦ok的一場大火、滿身黑蔓的女人、「人」潮洶湧的荃新天地、捉著嬰兒的怪人、一群人的戰鬥





……

以及…一女子身影從荃新天地高處墮下

呯！！

「唔好啊！！！」我滿身大汗的的在摩天輪上站起來

「你做咩啊？！冇野啊嘛？」洛兒嚇到了

連其他卡廂中的遊客都被的大叫嚇了一跳，全都看了過來

「我….我冇事」我坐下





「你依排搞咩啊？好似成日都係咁嘅….係咪身體有啲唔舒服啊？」

「冇啊…真係冇事….只係好似成日出現一啲唔屬於自己嘅記憶咁…」

「不如我搵日去陪你睇醫生？」

「唔洗…我睇多幾日先」我搖頭拒絕

「咁你有咩要同我講啊！知唔知啊！」洛兒捏著我的臉

「嗯」我懵懵的點頭

「我係問你知唔知！」她加大力度捏我

「知道！！」