［打鬥/靈幻/鬼怪］《輪迴。道》/《噬魂》我由古惑仔變咗做現代道士: 319《第二季》

閃過這次片段後，今天都再沒有出現任何問題，終於能與洛兒好好享受悠閒的一天

轉眼兩天的假期又過去，又到了上班的日子，九叔答應會將道術傳授我們，但他堅持說，我們不是他的徒弟，只是工作上我們需要學會這些

「好，今日冇咩做，我同你地上第一堂」九叔在鐵架上，蹺起腳

「咁我地第一堂要學咩啊」我問九叔

「係咪教我地用符啊？！」啊仁雙眼發光似的





「你就想，你地邊有咁快學到用符」九叔一下就否定了啊仁的想法

「我今日係要同你地講何為道術，道術所需嘅靈力，同埋向你地講解下，我地學道之人係有一個總會」

「嘩～今次有排聽啦」我說

「唔想聽？」九叔盯著我

「唔係！想啊！」我舉起雙手，像投降一樣





「好，留心啲聽」

「道術顧名思義源自於道教，道教修煉主要分兩大類：道士自身嘅修行同道教應用，內容包括道教經法、懺法、齋、醮、符咒、禁咒、隱遁、乘蹺、驅邪、伏魔、降妖、消災、祈禳、神仙術、縱橫、兵法、辟谷術等等」

「我估當中你地好好都未聽過」

「有啲真係聽都未聽過….」我們二人都聽得目瞪口呆

「而你地最常聽到嘅，應該就係符咒、驅邪、降魔、伏妖」





「嗯！」我們點頭

「而要驅動符咒就要借法」

「咩係借法啊？」我們一臉不解

「借法，即係藉著口訣問三清天師借用佢嘅法力，而可以借幾多就要自身嘅靈力、真氣同修為」

「靈力，意志力愈強嘅人，靈力愈容易修煉得高，又或者悟性高嘅人經歷一啲生死大刧之後，就會靈力大增，而靈力有少少似你地平常人口中所講嘅特異功能，可以隔空取物，可以係你戰鬥時用武器個陣輔助你，令你戰力提升」九叔解釋

「咁真氣呢？」我問

「真氣，真氣係維持人體生命活動最基本嘅物質，人之有生，全賴此氣」

「而真氣又同修為相輔相成，你修為有幾高你嘅真氣就相對有幾高，當真氣愈高可以借嘅法就愈多愈勁」





「但要留心，借嘅法力愈強，反噬能力就一樣咁強，所以作借法個陣絕對唔可以分心，不過借法依樣野對現時嘅你地嚟講，仲好遠，一步一步嚟」

「好似睇緊武俠小說咁…」我都聽得有點消化不了

「咁成日聽你講嘅總會呢？」啊仁像是認真讀的學生一樣，渴求著估知識

「總會嘅話，我就要由門派講起，我地依家分為四派，分別係：東道西樓、南陽北門」

「依家？以前唔止四派㗎？」我問

「嗯，冇錯」九叔點頭

「以前的確係有五大派，東道西樓、南陽北門上無極，不過係好耐之前就已經沒落咗」





「上無極…」我喃喃說道

「上無極，正稱為無極門，會叫上無極係因為佢比我地四大派嘅能力仲要高」

「既然佢地咁勁，咁點解會沒落嘅？！」

「唉…一代英雄嘅悲歌，當年最後一任嘅無極門掌門——萬天玄，佢係堪稱有史以來道行最高嘅一任掌門，佢當年率領無極門所有弟子去剿滅橫行嘅殭屍」

「殭屍？！真係有殭屍㗎咩？！」啊仁感到震驚

相反，我在那夜在後巷就看過葉靈滅殺兩隻殭屍，所以反應沒他那麼大

「百鬼夜行你都見過，唔信有殭屍？」九叔看著啊仁

「唔係！我信啊….不過有啲難接受姐」啊仁尷尬的笑著





「咁佢地輸咗？」啊仁問

「唔係」九叔搖頭

「佢地贏咗」

「下？！咁點解…」

「佢地殺曬成個殭窩裏面嘅殭屍，連屍王都解決埋，佢地係帶住榮耀咁返嚟，但估唔到萬天玄會比屍王嘅屍毒感染，慢慢咁變成殭屍，以萬天玄嘅能力，佢變成殭屍係冇人可以對付佢」

「咁最尾點啊？！」

「最後，係佢理性盡失嗰一刻，有一個神秘人出現咗，佢全身皮膚黝黑，手好似一把刀咁，一下就將萬天玄個頭斬咗落嚟」