［打鬥/靈幻/鬼怪］《輪迴。道》/《噬魂》我由古惑仔變咗做現代道士: 317《第二季》

「嗯？」洛兒拉著我轉身

一轉身，原來我們身後站著了四個人，我們居然全然不知

這四個人分別是三男一女

「噢～有靚仔喎」說話的便是當中唯一一個女的，她身材姣好，留啡色的長髮，身穿標準OL裝束，即是白襯衫、黑西裝外套、黑短裙，加一對高踭鞋

「老闆？！段生早晨！」洛兒對著四人當中西裝骨骨的男子微微點頭





「唏～洛兒，依到唔係公司，唔洗咁拘謹」那男子一身三件頭西裝，梳著剷青油頭，手上拿著一把黑色雨傘

但明明今天天氣晴朗，天文台也說今天不會下雨

「扮曬野…」我悄悄的說

但被洛兒聽到了，她偷偷踩我一腳

「喂啊…我老闆嚟㗎！唔好亂講野啦」她保持著嘴巴不動的說這句話





我戚一戚眉當作回應

「洛兒，咁好同朋友一齊出嚟玩啊？」西裝男說

「呃…等我介紹啊！依個我男朋友，佢叫…」

洛兒說到一半

「陳天航啊嘛」西裝男直接說出我的名字





「你又知我個名？」我也感到點驚訝

「洛兒平時成日提起你，我點會唔記得」他輕輕一笑

這一笑看似沒什麼，但卻令我感到心寒

「咁我都自我介紹先，我叫段天，係段氏集團嘅主席」他伸出手想跟我握手

為免讓自己顯得小器，我只好也伸出手跟他握手

「我同你地介紹，依個係我秘書——呂媚娘」

「你好～靚仔」媚娘妖嬈的點頭

「然後，依位高高大大嘅係我保鑣——羅東」





這個羅東，身形高大，肌肉橫練，頂著一個光頭，但頭上紋滿了圖案，但我從他眼內看到滿滿的不屑


「最後，依個係我管家——習維，上至公司下至屋企，佢都會幫我處理所有問題」

而這個習維，是他們四人當中看上去最為正常的，一臉斯文相，戴著一幅圓框眼鏡，穿著一身合身西裝，看上去就像標準中環上班族

「先生，你好」習維向我伸手

這人我非常願意跟他握手

「你好」我點頭

「好啦，都介紹得差唔多啦，我地去玩啦，失陪啦」我牽起洛兒的手，正想轉身離去





「等陣啊」是段天叫停我們

「咩事啊？」我有點不耐煩的轉身

這時，他們的身邊卻已經多了一個人，什麼時候的事啊….明明我們才剛轉身

「我仲有一個人想介紹你地識」段天搭著他旁邊突然出現的人

「佢同你有啲似相喎！段生」洛兒說

「洛兒你真係係犀利，依個係我細佬——段一凡，冇乜人知我有個細佬㗎，所以…..噓」段天將手指放在嘴前，示意我們別說出去

「先生～你好，我係段一凡」那個段一凡居然向我鞠躬





「呃….你好…」他這樣有禮貌，我也不得不回應

但…我看著這個段一凡….有一種極度討厭他的感覺，是想馬上出手打他一拳的感覺

……..

這群人到底是什麼回事啊…我怎麼會這麼討厭他們，尤其那個段一凡，我一直盯著他

洛兒看我的表情，發現不妥

「段生，咁我地真係行先啦」洛兒拉著我的手轉身離去

走了一段路後

「你啱啱做咩啊？做咩係咁睥住段生個細佬嘅？你之前識佢㗎咩？」洛兒問我





「唔識啊…但就莫名地好睇佢唔順眼…直頭係有啲憎佢，其實都唔只佢，係佢地全部都睇唔順眼，除咗個女嘅」

「你條鹹濕仔！講到尾都係睇到靚女就順眼啦！！係咪啊？！」洛兒扭著我的耳朵

「嗱嗱嗱！！冇冇冇！冇睇！真係冇睇啊！施主！放下！放下你嘅執著！！」我被扭得手舞足蹈

「死仔包！」

看似被洛兒𢭃笑了，但實質上我內心還是對他們幾人的出現有點耿耿於懷