［打鬥/靈幻/鬼怪］《輪迴。道》/《噬魂》我由古惑仔變咗做現代道士: 308《第二季》

只見一個筆筒在地上滾動，應該是在登記處掉下的，九叔上前用木劍挑起筆筒，打算放回原位

九叔提劍一挑，劍尖插到筆筒內，九叔正想放下筆筒時

嘶！！！！

一隻極細的冤靈魔從筆筒裏竄出，直衝九叔面門，並吸附在他的臉上，遮蓋了九叔的視線

總不能用劍向自己的臉攻擊吧，九叔頓時失去方向感，東歪西倒，不斷退後，途中撞倒不少椅子，自己也摔了一跤，但正正這樣，本沒了方向感的九叔因為背部著地，整個人都踏實了





九叔靈機一觸，用姆指在金錢劍上扣下兩個銅錢，往自己面上擲去

冤靈魔觸碰到銅錢後，馬上化為一縷黑煙，在半空飄蕩着

九叔恢復視線，提劍就揮

但冤靈魔化為煙，無論怎攻擊，它都只會隨著氣流散開去

即是，攻擊無效





而這隻極細冤靈魔捉準時機，纏住了九叔揮劍的那隻手

細小的它居然把九叔整個人拉倒了，並將九叔在地上拖行

「啊….」九叔被拖得到處亂撞

想在工具袋拿出法寶又因不知撞到哪裏而被阻止

噠！！





「啊！！」不知從哪裡飛來一粒銀粒，打中了九叔的手

準確來說，應該是打散了纏著九叔的冤靈魔

「仲捉你唔到？！」一身影從九叔身後跳出，拿著一個黃布袋將冤靈魔捉住了，是英叔！

咻！袋口繩一索！成功收了它！

冤靈魔還在袋裏掙扎，袋猛烈的在動，英叔用傷口上的血，在布袋上畫出一個太極符號，然後提掌拍打布袋一下

布袋嗖一聲變得十分細小，英叔將布袋掛在自己的箭袋上，這時一看才發現英叔的箭袋上已掛上數十個這樣的布袋，即是他已經捉了數十隻冤靈魔

一隻小小的冤靈魔就搞到九叔如此狼狽，可想而知，醫院上空盤旋著的那數百隻冤靈魔有多恐怖

「點啊，唔係要嚟救我㗎咩，乜咁失威啊」英叔得意洋洋的挖苦九叔，但同時又向九叔伸出手，想扶他起身





「你顧掂你自己先，爛身爛勢」九叔一樣，雖然嘴裏說的話也不是好聽的話，但他也伸手捉住英叔的手站起來

「我戰績點都好過你啊」英叔搖一搖他的箭袋，掛在上面的布袋都跟著抖動

「切…」九叔嗤之以鼻

「係喎！你係電話講到一嚿嚿，咩啊靈唔見咗，到底咩事」九叔把話題拉回正題

「係啊！我搵勻成個D座都搵唔到佢」

「佢係邊到唔見？」

之後英叔將九叔帶到D座的地庫三樓，即是瑪嘉烈醫院的停屍間





「妹頭就係喺依到附近唔見」

「你地個陣分開行動？」九叔問英叔

「本身我地諗住守係殮房門口嘅，點知我同妹頭都突然好眼瞓，所以咪周圍行下，佢入咗殮房，我就係出面行下，突然聽到有野跌落地，我咪衝入去，但我衝到入去個陣，妹頭已經唔見咗」

「入面搵過未？」九叔推開殮房的門

「入面一眼睇曬啦，冇人啊」英叔跟著進去

「妹頭把桃木劍就係跌咗係依到」英叔指一指地面

九叔蹲下，撿起地上的桃木劍

「把劍冇崩冇花，劍同地面都冇血蹟，啊靈唔見個陣，應該冇受傷」九叔看著地上的劍，在分析當時的情景





「東道派最叻嘅本領係「尋」，就算佢真係比人捉咗，佢都應該有留低線索比我地去搵先啱……」九叔瞇起眼在沉思