［打鬥/靈幻/鬼怪］《輪迴。道》/《噬魂》我由古惑仔變咗做現代道士: 307《第二季》

「好！」我們點頭

九叔在工具袋中拿出幾樣工具：紅繩、銀釘、黃符、墨斗

「捆仙索同銀釘係比你地傍身」

「捆仙索，個名好型」

「拎住依兩樣野，就算你地冇任何內功都可以攻擊到佢地，點用就睇你地自己」





「呃….」我和啊仁相視一下

「放心，我出去一陣姐，好快返嚟，加上啱啱用符鎮住佢地，佢地短時間內唔會作反」

「好…」

「仲有，我會係門出面用墨斗彈線，封住道門」

說完，九叔就走出了冷藏室門外，用釘插在門框，然後拿出墨斗，用墨線纏住銀釘，封住了出口





「我真係要出去！依到交比你地！」

九叔拍拍門就走了

剩下我和啊仁你眼望我眼

「大佬，你地生生性性，唔好出嚟啊」我靠在跟冰格對立的一副牆

「佢地出嚟，咪到我地表演嘅時候」啊仁看著手上的工具，著迷了





「你真係好有興趣喎」我笑說

「係啊！我細細就好中意依啲古靈精怪野，所以依家有機會接觸到依啲野，我真係好開心」啊仁的笑容是發自內心

「哈，你對依啲野咁有興趣，咁我同你講啲野，你一定好啱聽」當然，我要說的就是泰國的經歷

「好啊！你快啲講」啊仁十分期待

「上兩個月，我同我女朋友去咗泰國旅行，本身係諗住輕鬆下嘅，點知……」

說說九叔那邊

九叔離開殮房，看著天空，正常人或許只會看到陰暗的天，但在九叔的法眼中卻看到一股黑氣正籠罩著整片大地

「三破日加上日蝕，威力真係唔講得笑」九叔一臉擔憂，回頭看看殮房





「睇嚟動作要快」

九叔正式起程趕往英叔葉靈的所在地——瑪嘉烈醫院

現在時間是三點三十四分

九叔成功到達瑪嘉烈醫院，他發現醫院的怨氣沖天，整個醫院都被包圍住了

「嗯？！」九叔突然眉頭緊皺

「冤魔…」他定睛的看著醫院D座的上方，D座正是瑪嘉烈醫院停屍間所在之處

有數百隻冤靈魔盤旋在那裏，冤靈魔是沒有實體的，它看上去像一團黑霧，飄揚在半空之中，只有極重怨念、邪念或是屍氣極重的地方才會吸引到它們來臨





「冤靈魔所到之處，必定冇好事發生」

九叔下車的地方在K座，要去D座就要穿過正對面的S座才可以回到低層

走進S座，從樓梯跑下，來到低層，九叔看一看指示牌，找到方向，馬上跑往

沒有任何意外，九叔好快便跑到D座

但跑著跑著，九叔感覺到有點奇怪，他停下了腳步，原地轉了一圈，發現周遭一個人影都沒有

「醫院點會冇人」九叔已發現一端倪

他舉起手，看一看手錶

「三十四分….到咗咁耐時間冇變過？」





為了確認，九叔再拿出手機看時間，時間的確停在了三點三十四分

「結界…」九叔瞇起眼，還未很確定，自己真的是否進了結界

他在袋中拿出一個羅庚，放在掌上，腳左右橫私，但羅庚上的指針只有一個反應，就是不斷亂跳

「嗯….」九叔把羅庚收好

繼而拿出了兩把劍，兩款不同的劍，一把是葉靈在泰國用過的那種桃木劍，一把是用銅錢相紮而成的金錢劍

手握雙劍的九叔，整個氣勢都不同了，多了一股靈壓

九叔知道自己身處結界後，就開始呼叫





「老野！出嚟啦」九叔口中的老野，是英叔

噹….噹….咔

突然九叔身後傳來東西掉到地上的聲音，九叔立刻轉身

「邊個！！」