［打鬥/靈幻/鬼怪］《輪迴。道》/《噬魂》我由古惑仔變咗做現代道士: 309《第二季》

「尋」，顧名思義就是尋找、搜尋的意思，而這就是東道派最厲害的本事，就好像上次在泰國，我跟她通電話時是在醫院的，我並沒有跟她說過古廟的地點，但她卻能找到我

另外，「尋」不代表只是她尋人，東道派也很善於留下線索讓同伴找到自己

「但依到真係冇人啊，唔好嘥時間啦，我地快啲去第二度搵啦！」英叔拉一拉九叔的衣服

九叔再環視四周，確認真的沒其他線索後，就站起來

滴…





突然有一滴水滴到九叔的臉上，九叔向上一看

「喂」九叔一直看著上方

「咩事啊？」英叔轉身望向九叔，看到九叔正看著天花

所以他也跟著看，一看雙眼瞪大

原來天花上有一個正在滴水的黑印，像是一個人的影子





「依個….」英叔口窒

「啊靈留低」九叔說

「你仲話搵清楚，靠你就死」九叔搖頭反白眼

「唏！唔好講依啲住，睇下妹頭去咗邊先啦！」英叔轉移九叔的話題

「依個黑印….你覺得似啲咩？」九叔一臉嚴肅的看著天花的黑印





「黑印…有啲似當年…」英叔努力的在腦海中尋找過去的記憶

「異常維度！！」他們二人同時說出

「妹頭入咗異常維度？！冇可能！邊個有咁大本事打開到異常維度啊！」英叔震驚

「但睇嚟…就係，仲要係水嘅異常維度」九叔找了東西墊腳，站高了，他伸手摸了那黑印，仍是濕的，而且中間有一個東西突了出來

「水？！咁快啲搵第二個入口啦！佢捱唔到㗎！」英叔緊張得想奪門而出

「唔洗！依個入口未完全關閉」九叔定睛凝視著黑印

「未完全關閉？」

「你見唔見佢中間仲滴緊水？如果完全關閉點會有水滴，同埋啊靈好聰明」九叔一笑





「好聰明？你知道啲咩啊！快啲講啦！依個時候都賣關子！」英叔都快要急瘋了

「啊靈係入口臨閂埋之前用一支銀釘阻止佢完全關閉」九叔指著那黑印中突出的一點

「幾時都話佢叻女！」英叔面露笑容

「但…我地點入去？以我地嘅能力應該未足夠打開異常維度嘅門」英叔想到這一點就收起了剛剛的笑容

「你唔明？依家我地要做嘅唔係要打開個門，而只係要擴大！」

「哦！！我明啦！！」英叔猛然點頭

「依家我地兩個同時向住支銀釘攻擊，希望可以擴大個門！」





「好！」

畫面先轉回殮房這一邊

我跟啊仁說出我在泰國的經歷，他大感震驚

「你比過百隻鬼圍攻過！咁你依家咪唔驚囉！」啊仁說

「你咪講笑！依啲野無論見幾多次都會驚！」我大力搖頭

「你搞到我有啲羨慕你」

「下？！」我一頭問號

「我咁大個人，一次都未見過個啲野，邊似你有咁驚險刺激嘅經歷，唔知依啲係咪就係傳說中嘅時運高呢」





「咁你一個月係殮房做野應該都見唔少啦」我說

「感係有感覺到嘅，但見就真係未見過」

原來啊仁在一個月都沒看到殮房裏的孤魂野鬼，但我在這一個月裏基本上每天都會看到在殮房裏遊走的孤魂

呯！！呯！！

冰格再次傳來拍打聲

「咁快！？」我從鐵架跳下

我戰戰兢兢的用銀釘撞向冰格，然後裝勢的





「你地安份啲啊！！九叔就返㗎啦！」

果然！他們的拍打停下了

「呼…好彩有用」我悄悄的說

啊仁向的舉起姆指，讚揚我的做法

叩！叩！叩！敲門聲響起

「九叔？係咪你啊？」我走近大門，想打開大門

「喂！啊航！咪住！」啊仁突然叫停我

「做咩啊？」我問

「九叔係出面整咗個墨斗線陣，加上佢自己有鎖匙，點會叩門」啊仁對門外的「人」帶帶防備

嘭！嘭！嘭！叩門聲變成撞門聲

這一刻我也很肯定，門外的不是九叔，我連忙後退

「邊個係出面！！」我叫喊

嘭！！！

大門被撞開了！！！